男朋友要我去做絕育手術

匿名

拍過兩次拖同初戀有發生過性行為，所以我唔係處女，而家社會20幾歲冇咗第一次已經好普及，我自己覺得冇乜嘢，但男朋友知道之後就好大反應，不停拎呢件事出嚟侮辱我、踩低我，成日話我濫交唔乾淨，不停言語暴力我。我頂唔順已經同佢講過好多次分手，但係佢會用自殺來威脅我，仲會去學校我返工嘅地方同屋企樓下等我，一見到我就會捉實唔俾我走，仲有幾次下跪大喊求我原諒，有時因為心軟有時係驚佢真係會做傻事而同佢復合。但係人真係會改變，啱啱復合嗰段時間可能會對我特別好，但係時間一來佢又會呢我唔係處女嘅時出嚟話我。最近一次同佢講分手，佢話如果想佢以後都唔糾纏我，我就要去做絕育手術，然後將證明文件俾佢keep。我真係好辛苦，佢好似一個惡魔咁撇唔甩，有時我都會痛苦到想同佢同歸於盡。