唔好搵屋企人好錫佢嘅女仔做女朋友

匿名

因為佢對你嘅要求會超高，如果你唔夠佢父母咁愛佢，你就乜都唔係，所有付出連攝牙罅都唔夠。壓力好大，點樣都做唔到佢心目中想要嘅完美男友。好似初初約會嘅時候，我冇幫佢剝蝦殼，佢話覺得好扣分，我初頭淨係當佢公主病，直到我去佢屋企食飯先知，原來男仔幫手剝殼對佢嚟講係常識，因為佢阿爸會食飯之前就剝好晒啲殼。之後佢出親遠門，佢阿爸都堅持送佢，請假都要送佢。個篋全程唔需要佢自己拖，佢阿爸會做晒啲粗重嘢。所以平時出街佢見我唔主動幫手拎重野，就會黑我面。而且就算我拎幾多袋嘢，佢都唔會想主動幫手分擔。佢搬呵嘅時候，我有事唔得閒去幫佢，佢嬲咗我成日。佢阿爸所有節日都會送禮物俾佢同佢阿媽，送花送飾物咁，所以身為男朋友更加唔可以唔記得送☹️ 所以你哋想搵個獨立可以照顧自己嘅女仔，千其唔好搵一個被屋企寵壞咗嘅女仔。