暪住女朋友同女仔frd去咗旅行
係升year3同個女仔識，樣就正正常常，一開頭只係普通朋友，亦都無乜點聯絡過咁滯。之後有日佢無啦啦reply我story，我都係求其覆下emoji就算，但唔知點解佢開始周不時都繼續reply我story，咁我咪試下覆多幾句，又覺得幾好傾，覺得佢又聰明同幽默，上知天文下知地理。自此，開始就差唔多日日都keep contact，真係控制唔到自己，因為佢好似我中意嘅類型，本人係極度迷戀知識型嘅女仔。
傾咗差唔多半年到今年5月，佢突然話好想去旅行而其他朋友都唔得閒陪佢，之後就借啲意問我想唔想去旅行，我話都想架因為好耐都無去，跟著佢再承機話有冇興趣一齊去，當初我有拒絕到話 已經有女朋友，唔係咁好嘅。佢話 怕咩！朋友身份一齊去咋嘛。而我又真係好想試下單獨相處。最後我同女朋友話 同咗屋企人去旅行😭😭點之個旅行仲開心過同女朋友去😔更加幻想過佢做我老婆一定好賢良淑德，聽住佢講啲 British accent嘅英文，令我中毒更加深😞
