男朋友原來一直唔知我哋拍緊拖
匿名
我們本身係5年好友，一直都幾close，加上近半年多咗相處機會就越嚟越曖昧。
會有少少skin touch搭下膊頭，過馬路捉住我手臂噉。
佢上個月飲醉酒同我表白，我應承咗，第二日我哋嘅交流都好自然，理所當然我認定我哋拍拖。
我無主動kiss 佢，我諗住呢啲係男仔主動好啲，我又怕羞喎。
我哋因為做frd 開始，所以BB豬豬個啲我都嗌唔出口。
依家回想拍咗拖之後嘅相處同做friend嘅時候都冇乜分別。
我發現佢唔知我哋拍拖係因為我約佢下個月去旅行，佢應承咗，話佢負責book 酒店，我睇佢個cap圖係book兩張單人床，
我問佢點解係book兩張單人床，佢覆我話朋友去旅行瞓埋同一張床咪有少少尷尬😳
我超驚訝話乜我哋唔係情侶咩？
對完來龍去脈先知，原來佢嗰日完全斷片唔記得同我表白嘅事🥲
哈哈好離譜🤣
