Anonymous

係旅行途中發現男朋友出軌

同男朋友拍左一年半,我同佢都好好相處 但最近都懷疑梗佢係咪出軌 但一直都係懷疑,無證據 直到去旅行嘅時候,我一早起身無嘢做,就好奇睇下佢電話 點知真係俾我見到一個女仔dm佢「miss u bb」🫠 仲有4日先完個trip,而我覺得我先係個小三 點搞好🫠 - update: 多謝各位嘅建議🥲🥺但我最終都係扮唔到無事,然後同佢攤左牌😞我抱持「一次不忠,百次不用」嘅態度,無好大傷心咁同佢講左分手。然後佢全程喊到傻左,連喊左幾個鐘,話已經打算同個女仔分手,同唔捨得我,見到佢喊到咁其實有啲心痛,但最終我都絕情地企硬左分開。 我原本打算dm個女仔同佢講,但ex話個女仔可能會做傻事,然後我就叫ex一定要親自話比佢知。 佢依家自己搬走左第二間房訓,佢一路執行李一路喊,搞到我有啲心痛💔 但我目前都企硬的 再次感謝各位的建議同支持🙏🏻 - update: 今日係街到同佢講分手,我完全係不痛不癢,內心毫無波瀾,即使佢喊到好淒涼都好。我以為我咁平靜,係因為已經唔鍾意佢 但時間一過,一同朋友講左,我完全喊到收唔到。真係好痛。係餐廳一路食嘢一路喊。依家訓係酒店張床上,張床仲有佢陣味,我又開始喊。原來自己真係好愛佢。 我想原諒左佢,當咩事都無就算。但我仲有少少理智,知道唔可以原諒佢,知道原諒佢嘅話佢始終可能都會傷害多我一次,我都唔想委屈自己。 但真係好傷心,好心痛,救命,好難捱😞😭
LikeSadHaha
306
82 comments
Post information