女朋友成個八月冇搵過我

Anonymous
我受夠喇!!點解身邊每對情侶都可以拍到幾年拖咁長,每次見到佢地拍咗咁耐都好鬼羨慕🥲🥲但睇返自己嗰啲就每次都喺一年內散,我想好好地拍拖!!! 正文: 我喺上年暑假識到我女朋友,到10月就一齊咗,本身同佢相處都幾夾,但佢ig story 從來都唔會po我,但嗰時熱戀期都冇咁在意,但依家嗰問題就好似開始慢慢咁浮現... 咁每個人本身都會有自己小小嘅壞習慣嘅,佢嘅壞習慣就係遲到,有時拍拖就會約喺佢屋企樓下食下嘢咁,但佢每次都會遲半個鐘以上。喺7月尾嗰排,有次佢就約咗我喺佢屋企樓下食dinner,但佢淨係得兩個鐘時間陪我,之後佢就有其他嘢做,咁我嗰時都有照去見一見嘅,但佢嗰日直接遲咗45分鐘,咁我嗰下就有少少bad trip,返到去就同佢講咗自己嘅不滿。 但係喺我同佢講完之後,佢就冇再覆到我。隔咗一兩日(8月頭)我再追問佢啦,佢就叫我比少少時間佢,因為佢有啲嘢忙緊同埋佢屋企人有啲緊要事咁啦,但就係因為咁,我同佢成個八月冇見過一面。 就咁樣,一直去到幾日前,佢就約咗我出嚟食嘢。我嗰日早咗出嚟嘅,但當我喺嗰度等到夠鐘再諗住問下佢到邊嘅時候,佢先同我講其實佢出唔到嚟,我嗰下真係好躁底,我唔明點解一個大學生可以咁冇嚟交帶,定還是只係因為嗰對象係我。 件事就係咁,呢幾日有wts佢但佢都冇覆,我唔知我跟住落嚟應該點做。感性上我仲鐘意緊佢,但理性同我講佢只係喺度冷暴力緊我,應該要趁早斬欖。同埋呢排又搞緊Ocamp,更加搵唔到佢。我唔知自己應該要依家同佢講定分手先,定過多幾日等搞完Ocamp再算,定係大家覺得佢屋企有事或者個人好depressed 呢啲reason導致唔覆機都好正常? 除咗感建分之外真係想聽多少少意見🙏🏻我唔想比自己一時嘅情緒影響決定
LikeSadHaha
185
91 comments