同男朋友拍拖之後先發現..

Anonymous
原來呢個世界上真係有正常人.. 本身唔多close嘅人,以為佢地好幸福睇落冇乜問題只係我冇行入佢內心世界,但係拍左拖越黎越了解男朋友之後,發現原來有人都可以有關係好好嘅完整家庭,一班(或者更多)好firm會一直留低陪你重視你嘅friend,而且都冇經歷過啲咩好大件事(唔好嗰方面),然後又有好多唔同嘅好回憶,唔洗晚晚失眠喊住回想自己人生有幾失敗但係又死唔去。 真心羨慕🫠🫠 之前都有問過佢有冇試過嗰種對人生好絕望,日日諗點解自己仲未死,幾時先可以唔洗咁痛苦嘅感覺,佢話雖然會唔開心但係未去到超誇張嘅程度。 冇錯我知有問題嘅係我🫥🫥好L kick好多問題添,不停咁摧毀緊自己,同埋隨時摧毀埋段關係。 我男朋友好好,好錫我,但係我依然好冇安全感,好似佢只要有一刻冇對住我表達愛,我就會覺得佢唔愛我; 我同佢有少少爭吵(多數係我因為佢做嘅嘢唔開心,我搵佢講)嗰陣,我內心會好驚佢會因為呢啲問題而唔要我,或者驚我講完之後嫌我煩唔要我,然後佢次次都會道歉氹我,之後我又會勁有罪惡感,點解次次有問題出現佢會選擇溝通,而我會諗我地係咪準備玩完。不過佢呢幾個月陪住我,雖然我精神健康越黎越差(呢個唔關佢事),但係感情算係越黎越穩定嘅。 會話其實一開始拍拖我唔係咁,只係環境轉左之後個人好迷失就變成好似以前嘅自己。好驚咁樣嘅自己會慢慢變到好討人厭,冇人鍾意同咁多負能量嘅人一齊,我啲friend可能都係因為咁所以唔太show我掛(不過呢個又係另一個故事,利申冇對佢地放負,可能係我氣場太討人厭佢地覺得冇左我開心啲掛),即使係另一半都會有攰嘅一日(而且一開始佢鍾意同認識嘅係一個外向開朗幽默溫柔嘅我,唔係好似…咁樣),更何況我男朋友佢本身生活咁開心,隨時同佢身邊任何人一齊都開心多正能量過同我,雖然佢依家話會陪住我,但係我唔想拖累佢但係又唔想分開。 呢度當俾我呻下啦 都知有啲諗法係好極端諗埋一邊㗎喇 不過咁多嘢唔喺度講真係唔知同邊個講 唔講又就快癲 啊唔係 我已經癲左haha 真係好想快啲了結左佢 我唔適合生存
LikeSadHaha
243
49 comments