我竟然溝到補習哥哥🤭🩷放閃文(?)😚

Anonymous
同男朋友一齊左就嚟5個月啦~我地係Dse完咗一段距離之後先一齊嘅!唔係補嗰陣就一齊!! 事源最近見到有啲po係講關於補習哥哥同學生之間 又識到有frd都係咁出咗pool 搞到我不禁諗返起未同佢一齊前嘅回憶~🤭其實我唔係一見到佢/頭頭開始就對佢有feel 甚至一開始因為唔鍾意補習所以都連埋唔鍾意佢😂但係點知佢又教得OK 到就嚟考DSE嗰陣 好似補得多咗 見得多咗 我發現自己對人哋有feel🙈有feel係因為我哋上堂嗰陣有陣時會講啲好笑同埋傻更更嘅嘢 又會睇部電話嗰陣控到好埋(我部電話係防偷窺)再加其他因素啦~自己都唔係隨便鍾意人嗰啲 ps:佢唔係靚仔果類 所以唔係見色起意的 總之就係吸引到我 所以我就喺考DSE(佢教我嗰科)嗰陣努力d 希望唔好令佢失望~點知考出嚟好彩都唔算差🤣 之後我就開始主動出擊啦~多咗搵佢 又會傾唔關學術性嘅嘢 會講d曖昧說話 撩下佢 跟住佢又會怕羞 真係好得意!!🙈之後我試過唔主動搵佢 睇吓佢會唔會都嚟搵返我 點知等咗一日 佢就無端端send咗啲嘢嚟搵我傾偈啦~(拍咗拖之後問返佢做乜無端端搵我 佢話都掛住我 所以忍唔住~)咁嗰陣都知道有機會 就用有啲嘢想問佢呢個方式來抄咗佢牌~👀加咗IG之後就梗係Stalk佢啦~佢又有睇返我IG 又話我識跳舞之類嗰啲好加分 又讚咗我靚女嗰啲 咁我都好開心 之後我哋就轉移陣地去咗IG傾偈~嗰陣就係會日日keep住傾偈 例如send啲IG post俾對方嗰啲 reply下story果d 之後傾傾吓佢就話見我考完DSE 就請我食飯當慶祝吓🤭之後出咗嚟 好快佢就同我表左白 就一齊咗 一開頭我都覺得佢好急 點解出第一次街就咁想咁快喺埋一齊 之後了解返原來佢係唔鍾意曖昧嘅感覺 會令佢好冇安全感 咁我都明白 之後就係先戀愛再了解 然後就喺埋一齊到而家啦~💓 想講嘅係 鍾意嘅話就真係要主動去爭取~我會覺得錯過咗嘅話棧自己後悔㗎咋!!不過前提係你都要get到d signal係人哋都對你有好感 唔係亂咁去馬嘅話棧傷自己心!🥺 直到而家我哋仲熱戀期緊~大家都會成日磨合唔同方式去令段關係越嚟越close 咁當然我哋都會嗌下交嗰啲 但令我最感動同埋想段關係行落去嘅一樣嘢係 男朋友會為咗我去改!佢之前係唔識氹人㗎!!跟住之前都係會比較自私 好多嘢都諗自己先 同埋會少啲就人 又講過話唔鍾意太黐身 嗌交會駁到你足 情商方面冇咁叻 唔開心/嬲/講錯說話都唔知之類 跟住一開頭我都覺得有啲辛苦 有少少驚咗佢 唔知點同佢相處嗰啲 但之後我都講返我嘅諗法 同佢溝通 大家都喊晒嗰啲 之後佢就慢慢為咗我去改咗好多佢以前絕對唔會做嘅嘢!而家嘅佢會將我嘅感受放第一先 生活上嘅嘢會就咗我先 同埋會觀察我嘅情緒 我一唔開心會即刻氹同解決問題 又會好細心 同埋佢真係好黐身!!(我鍾意㗎 仲話佢係黐身怪🤣)佢拍拖開頭同而家反差真係好大!!嗌交有時佢會喊喊豬😍真係好得意!!佢仲喊得多過我 前提我自己本身都係喊包🤣所以!俾啲耐性是很有用的~同埋有樣嘢就係佢拍拖開頭話唔鍾意call/FaceTime 話會覺得冇晒私人時間 好阻之類嗰啲 跟住近呢個月晚晚都要FaceTime下先安樂 唔係嘅話瞓唔着🤣好QQ(女友濾鏡maxxx) 仲有一樣嘢係我哋成日都會同步!!成日不約而同咁講/諗/做同一樣嘢 最勁試過一日有成接近十次 係甚至覺得恐怖嘅程度🤣🤣 而家嘅我真係覺得好幸福~真係好希望可以keep住😭有人愛住 錫住 支持自己嘅感覺 係真係無可取代💓有人肯為咗自己改 肯主動解決問題 真係要好好珍惜 放心我都對佢好好的!!不是佢單向付出🤣不知不覺打咗咁多 睇到呢度嘅人 多謝你~💓💓希望你哋都有情人終成眷屬🥰
sticker
LikeHaha
548
143 comments