點解而家啲女仔咁開放

Anonymous
上星期六阿媽叫我攞啲衫上阿哥屋企,上到佢屋企有個女性朋友喺度,見佢哋食住飯,飲住酒以為阿哥約條女上佢屋企撐枱腳,成十點諗住放低啲衫走人,點知阿哥一見到我就借我過橋話都夜啦叫個女仔快啲返屋企,跟住阿哥話好彩你上咗嚟,叫極條女都唔走,原來條女同阿哥講鐘意咗佢幾年對佢有feel仲可以即晚同佢搞嘢,唔介意做阿哥sp,我冇諗過而家啲女仔咁開放,拖都未拍就死𦧲上男仔屋企想搞嘢,阿哥話本來有女送上門都有一刻諗過,不過對佢又真係完全零興趣,所以做唔出,好彩佢真係冇落答,唔係做阿妹嘅真係鄙視佢 update: 今日同阿哥嘅老友吹水講起之前個女仔上阿哥屋企食飯,佢老友原來都識呢個女仔,佢哋三個識咗幾年,個女仔大阿哥幾年,當時成班玩個女仔已經鐘意阿哥,仲表白過亦被拒絕。可能阿哥本身有車有樓,對所有人都幾好,嗰女成日黐住佢叫佢揸車車佢,果次仲離譜到要上阿哥屋企食飯,阿哥原先諗住做朋友冇所謂,點知佢恐怖到提出做sp,仲叫極佢都唔走,直到我上咗去先肯走,之後佢哋就冇再搵大家,我阿哥同佢個朋友講一直只係當佢普通朋友,冇諗過佢咁冇廉恥,做男人都比佢嚇親,仲鬼咁後悔比佢上屋企,呢啲女人咁隨便,唔係你肯俾就要食,更何況真係食唔落口。 諗返阿哥當時一見到我好似得救真係勁好笑,希望佢快啲搵返個正常嘅女朋友啦
LikeHahaWow
544
58 comments