Anonymous

請問用「乸」去形容自己女朋友/女人尊重人嗎/有無問題?

我幫我男朋友問 事原係因為我想拜託我男朋友問佢一個韓國fd少少野 然後我男朋友對佢嘅朋友講「隻乸xxxxx」 佢用「隻乸」做女朋友代詞 我因此覺得好嬲好侮辱人 但我男朋友講佢認知裡面「乸」係形容女人,「公」係形容男人無問題。 佢仲講周邊啲人都係咁 話佢覺得佢認知入面係無問題嘅 並且同我講要佢一時三刻接受呢樣嘢係錯嘅好難 佢需要上網求證 我唔知點令佢意識到呢樣嘢係極度侮辱人嘅事 所以我想係度幫佢問大家 請問用「乸」去形容自己女朋友/女人尊重人嗎? 用「乸」呢個詞去做女性代詞有無問題。 ps:其實男朋友知道我認為呢個字好侮辱人佢表示唔會再講/對其他人用呢隻字。 但係佢認知裡面仍然認為咁係無問題/合理的 佢表示要一時三刻改變認知好困難 佢要上網求證呢樣嘢係咪唔啱 所以我先出呢個post
LikeHahaBow
94
132 comments
Post information