第一次唔係比老公係咪真係有問題？

Anonymous

我中學的時候拍過幾次拖，但因為性格不合而分開。升上U之後識左一個男同學，覺得對方幾溫柔對人唔錯所以就同左對方一齊，無幾耐有一次約咗出街，我原本打算喺佢屋企樓下等佢先一齊去，點知佢叫我上佢屋企先（當時冇諗過會發生咩事）然後佢提出想要，我一開始是拒絕的，但係佢又係咁講，之後就發生左。再之後發生好多事，我開始覺得對方不是我想要的另一半，相處方式非常不適合，在這段關係我一直是下靶位，長期要睇吓佢面色，好驚佢鬧我。我鼓勵勇氣提出分手後，不久就與現在的男朋友一起，他真係好好，很照顧我，愛護我，所以好快我就已經視佢為結婚對象，我哋都有傾過未來，我好珍惜佢，基本上我哋好少鬧交，唯一一直解決唔到嘅問題就係佢嬲我同埋唔開心我第一次唔係佢（男朋友之前拍過兩次拖都有同另一半做）我已經道左好多次歉，也解釋過。我知道佢嘅唔開心，所以佢點講我，我都會盡力去忍。但最近情緒一直很低落，好多野唔開心好大壓力，我想佢安慰我嘅時候佢會話「點解你第一次唔係我」「你自己攞嚟」「你唔咁做就冇事」「呢一切都係你一手造成」「條路你自己揀」「點解你要做埋呢啲嘢令我唔開心」我自問一直好努力維持呢段關係，所以我為佢做咗好多野，但係到頭來都係咁。我唔知道可以點，我真係好愛佢，但我真係好攰，到底我第一次唔係佢係咪真係咁唔值得原諒。