唔好揀原生家庭太好嘅另一半

Anonymous

就我女朋友嚟講，屋企人對佢好好，所有都幫佢做好準備好，佢就咩都唔識做，而且覺得我照顧佢係理所當然，加上同居半年感覺更深刻，佢唔會主動執屋，用完嘅紙巾就咁擺係度，食完又唔洗碗，有嘢跌咗佢都可以直行直過睇唔到。但係佢唔係專登咁樣，唔係覺得只要自己唔做我就會頂唔順做咗佢，而係佢真係無意識自己要做家務。傳聞原生家庭好嘅人先識得愛人，但係我反而覺得原生家庭無咁好嘅人比較識對人好，而且係就住對方需要咁對佢好，原生家庭好嘅人係用自己經歷過嘅事嚟對人好，病咗會呵護你，生日要有儀式感，狂appreciate你，但可能我比較實際，我需要一個可以娶得過嘅女人，原生家庭無咁好嘅人就會我希望佢點做，佢就點做，因為佢無安全感，驚失去我，所以會出120%力愛我。生活最終都係要回歸柴米油鹽醬醋茶。