牽手比做愛更神聖?

Anonymous
我係男仔。 而家好嬲好無奈, 早排因為少事同女朋友分手(女朋友本身有啲情緒病,又自卑),之後復合返,但竟然畀我發現佢喺我哋分手之後,想交友app識咗個男仔(下稱a),我女朋友同a呻咗好多嘢,之後傾傾下,a仲約咗佢出嚟,佢哋上咗床,仲過分到玩3p (兩女一男),a仲拍埋片,send 返畀我女朋友,我女朋友仲多謝佢(a)安慰佢! 之後,我女朋友仲分享咗一篇網絡作家嘅文畀a, 篇文叫〈牽手比做愛更神聖〉(類似係講真係愛一個人反而會想同佢拖手多過做愛),我女朋友話好同意呢篇文嘅內容😢,但我冇辦法認同。 我知佢哋而家已經冇見面了(因為我哋已復合返,女朋友都拒絕咗再同a發生性行為),但我心係好唔舒服,諗起佢哋一齊3p 過,我做男朋友都做得失敗,我女朋友好多嘢都冇同我講/呻,但就又同a訴好多苦。a都好囗甜舌滑,把囗好識氹女仔,有時仲會主動搵我女朋友傾偈,我係嬲,都驚佢哋之後會再約出嚟上床。 心情好耐冇試過咁差,最衰都係我,一直唔識氹女朋友,而家先發現,原來我好唔了解佢,a仲了解得佢多過我🥺🥺💔😔
LikeHahaWow
168
82 comments