啱啱拍拖就諗緊分手

Anonymous
今年十九,對方大我兩年,我地都係A0,識咗一個月幾就同我表咗白,我當下覺得自己都對佢幾有好感,理智上又覺得佢都幾傾得埋同識得顧及我嘅感受,就試下喺咪咗一齊(有同佢講翻自己會同意都係想試下) 但一齊咗之後先發現自己無想象中咁鐘意佢... 例如我會有小小反感一啲戀人之間嘅話語同活動,佢係一位好感性嘅人,會講好多肉麻嘅話,我聽到會覺得尷尬,甚至喺心中產生啲反感,但係又知自己係名義上嘅女朋友,所以會笑下,表面上接受咁樣 特別喺佢講緊未來會點點,覺得我地係兩情相悅嘅時候,壓力就更加大,成日覺得自己相處咗幾個月後可能會因為跌好感而飛咗佢 而最驚嘅都係發現對方想同自己做嘅嗰下,雖然佢話會等我準備好先會做,但心入面都係產生咗好強烈嘅恐懼情緒,一方面係驚面對男人嘅性慾,一方面都係唔知自己接唔接受到對象係佢 有陣時甚至懷疑自己係咪性單戀,明明做朋友陣時覺得佢幾好,無論係約出街定身體接觸都唔反感,但喺佢表現出好熱烈嘅鐘意我嘅跡象後,就唔知點解開始無feel甚至反感,覺得自己有陣時係需要去扮演一位女朋友嘅角色 呢個係咩情況,我係咪應該同佢講試完兩三個月之後都無feel就飛咗佢,廢事浪費大家時間,但另一方面都覺得自己好難再遇到靈魂上咁契合嘅人,好矛盾
Like
Sad
Haha
126
47