佢話同我一齊好似湊女咁
匿名
純呻。
嗰日坐低傾，佢講咗以下同我地關係有關嘅問題：
1. 呢排對我嘅感覺淡咗，因為feel到同我一齊好似湊女咁
我問佢點為之好似湊女咁，佢話好難解釋。
2. 我日日都WhatsApp好多野比佢，佢話開始反感
佢話，次次打開WhatsApp都有好多msgs要睇要覆，同埋我成日喺佢返工時炸佢機，令佢唔係好鍾意。
我話，一開始你又話我send野比你ok，佢話而家開始反感。
3. 佢話而家唔想同我扑野，因為對我無咩興致
我問佢點解，佢話因為我身材較肥，令佢無咩興致。
我話，咁如果我係大波瘦底呢，佢就話咁嘅話可能有。
跟住佢話，唔想同我扑唔代表唔鍾意我。
4. 佢話覺得網上面嘅我好幼稚，令佢唔係好接受到
佢話，現實同我傾計無咩野，一路都覺得我幾成熟。但一到網上就覺得我講嘅野好細佬女好幼稚，佢唔係幾接受到。
我話，咁如果我一路都係咁唔變，或者我本身個日就係咁呢，佢話咁嘅話就會考慮分手。
5. 佢話佢做唔到其他情侶咁，會講「我掛住你」etc
佢都解釋唔到，但覺得自己同其他情侶好唔同。唔會講呢啲情話，平時一星期收工後都唔會約，而係專注做自己嘅野/安排嘅行程。
我話，我覺得無咩野，只要你係鍾意我就得。因為講呢啲說話嘅背後都係想表達愛意/向對方reassure愛意？
我問佢，唔講呢啲野姐，咁係咪代表你唔鍾意我，佢話唔係。
傾完後就話再試下行一排睇下夾唔夾。
—————————————————————————
😢傾完到今日，我都好hurt。覺得佢根本就唔係鍾意我，只係鍾意佢理想中嘅我。尤其係sex嗰到，佢自己都話講完會好hurt到我。
我都有自己問題，會改成日WhatsApp佢嗰到。但我有啲唔知點行落去，有諗分手，但我未做到呢個決定住。
因為我本身好怕寂寞😞無咩朋友，生活又單調。又唔係好甘心。可能都係要繼續落去，hurt到我甘心樂意接受散。
