唔知可以點……

Anonymous
想低調少少係到睇吓大家點諗 咁呢 就其實我單身咗二十年左右啦 一直都冇話好想拍拖嘅 想搵一個啱嘅人 Instead of 無無聊聊 求其將就住搵個人一齊 咁大學呢幾年 都有過幾次鍾意人同被人鍾意嘅經歷 好 但係最後都因為某一啲原因 我都仲係母胎單身 但係 我就發現 慢慢其實唔係好知愛情應該要係點 好似越諗得多 越容易失望 越容易get lost 越唔知點樣先為之適合 . 咁講吓呢排嘅情況啦 就有三個人出現咗 1. 運動型年下boy 係我嘅沉船對象嚟 佢完全係我理想型 但係佢唔係好理我 加上佢年紀細 思想有啲唔夾 同佢勁忙 (具體唔講) 所以即使一齊 都唔會有咩期望 主要都係我去付出 但係我真係好鍾意佢 2. 成熟噓寒問暖男 佢已經出咗嚟做嘢一年 年紀大過我 諗法幾成熟 佢對我好好 基本上出街開支都係佢俾 我有啲咩事 佢一定會第一時間關心我 佢咩都就我 但我好似對佢冇乜feel 我好信任佢 都enjoy同佢一齊嘅時間 但就係感覺少咗啲嘢 唔知大家明唔明 3. 溫柔日系男 認真呢個人 絕對係意外 就係上個月去台灣 夜店認識嘅 我平時就好少飲酒 個日係因為男1 嘅嘢 好唔開心 所以去咗飲酒 個陣醉醉地 我就好主動咁搭訕 有啲親密嘅行為發生咗 冇扑野 之後我哋交換咗contact 原來佢都係香港人 返到香港都有再見多幾次 . 好講完 宜家嘅我就真係好混亂 我覺得我有必要快啲搞清楚自己想點 唔想拖住 吊住人 又或者可能係被人吊住 點都好 我真係未拍過拖 我真係唔知愛情係點 我淨係知道我自己會好容易唔小心認真咗 例如係我估冇人會理係夜店發生嘅事 但係我真係係咁諗起 然後都幾困擾 又例如係男1唔理我 我會好唔開心 又又例如我接受咗男2嘅好意 但我好似冇辦法去俾返相同嘅感情俾佢 我都覺得我好唔好 所以 我真係想快啲清楚自己想點 大家可唔可以比啲意見 話比我知可以點 如果大家係我 會點做 thankkkkkkks . 總結成件事就有少少似 會揀 你愛嘅 但係佢唔係好愛你 同 你唔係好愛嘅人 但佢好愛你咁 男3就純屬意外 但係唔知係咪因為同佢錫過 搞到我係咁諗起佢 究竟係咩心態
LikeHaha
114
44 comments