唉 一匹布咁長🥹 想一齊落去🥹
匿名
係某啲事上對男朋友覺得有啲失望（？）唔知點形容
🥲🥲
1.男朋友成日都行得極快 唔理我 例如 可能去掃街佢為左9秒9可以買野食 佢會衝 但我覺得行極快點都係差一兩個 唔會快得去邊 跟著佢就會一枝箭衝左去 但我就慢慢行 佢見到我慢行 佢會話我 跟著我米急急腳跟囉 排到隊之後佢就會同我講 你睇下好彩我地行快左 唔係後面好多人排 但我真係唔鐘意急 我放假出黎 唔想咁chur🥹 跟著有時候過紅綠燈嘅時候 佢綠燈斬咗一段時間 佢會自己一個行左過馬路先 得番我一個仲留左係對面
呢件事我有講過 佢有改過一陣 但之後打回原形🥹
2.有陣時候我星期六日都要番工 收9/10點 我男朋友會接我 我當然好開心 因為佢特登接我🥰
做完野好攰 我會叫佢幫我手攞一攞個飯袋但佢唔會幫我
平時買野都係唔會幫手抽一抽 話我買嘅就要我自己攞 即使我出口求求佢 佢都唔肯攞
但平日出門口佢自己又唔帶袋 想將啲尿袋同濕紙巾（100片裝個隻喎）塞係我個袋到 佢點都唔肯自己攞個袋出街 但我個袋係個種細細地嘅斜孭袋…
我唔肯佢又話啲野一齊用😓 跟著硬塞入我個袋到
！！不過！！
無論叫佢幫手攞野定佢要我攞野 我有啲少黑面 佢見唔對路 又會自己袋番 但講真有時候幫我攞下野有咁辛苦咩 我又唔係次次都叫佢幫我攞🥲🥲
3.感覺我男朋友對佢屋企人麻麻（？）好多柴米油鹽嘅野 例如家用個啲 佢成日同屋企人嘈 話佢自己賺得多啲 佢屋企人要佢俾多啲家用個啲 但講緊佢屋企媽媽同兄弟個啲可能得萬中一個月 人工好低
我男朋友係可以完全唔洗做家務 每日掉啲衫就有人洗 野食就每日都有午餐供應 啲野放到成個客廳都係 都會有人執
！！但！！我男朋友又會係節日送禮物俾屋企人
佢有同我講過想結婚 一齊住 講到點裝修所有野好ideal 我都有幻想過會好開心
但我又好驚啲柴米油鹽🥲🥲
唔係因為冇錢 我自己一個月搵4萬幾 佢雖然比我少啲 但我好驚我多野會嘈 唔止柴米油鹽🫣🫣🫣
不過有件事我都幾衰 我男朋友大我5/6年 我同佢人工差成萬幾蚊 雖然我成日話唔在乎佢搵幾多 但我好想佢升職加人工 我冇講到出口要佢一定升到 但我有時會講笑咁講 你升左職咁我就唔做喇 我男朋友可能都感受到啲壓力🥹 因為佢有同我講過…
