原來同黑社會一齊想分手係咁恐怖...

Anonymous
同男朋友中學就一齊 佢中學嘅時候已經算係啲mk仔 佢讀書時期身邊啲朋友都紋曬身咁 但唔知係咪算黑社會啦 到中學畢咗業之後 佢冇繼續讀落去 我就繼續讀上去 初頭佢都好正路有去餐廳翻全職搵錢 都近呢一兩年唔知點解冇翻工都咁多錢 又買撈又買名牌咁 一開始我都唔想問咁多 但係幾個月前佢上嚟我屋企 我喺佢個袋搵到一大袋白粉 完完全全踩到我條底線 我就問佢點解呢一年唔翻工都咁有錢 係咪就係靠呢樣嘢 佢見到我咁問之後有少少惱差成怒 發曬脾氣鬧我 仲話 佢而家就係咁呀 接受唔到咪分手囉八婆 我見佢講到咁都知佢冇得救 就同佢講分手 佢發完癲之後自己就走咗 我嗰晚仲喊到收唔到聲 覺得同佢一齊咗咁多年 對佢好失望 到第二日起身 我出門口翻工 一落樓就見到佢啲豬朋狗友出現喺到 勁撚恐怖 到之後幾日 夜晚嘅時候成日會有人冇啦啦禁門鐘(我住自出自入嘅唐樓) 最後我頂唔順搬咗翻呀爸呀媽到住 樓下有保安 夜晚先冇再有人禁鐘
LikeWowHaha
420
109 comments