女朋友媽咪擅自放走咗我養隻狗🥲
匿名
我同女朋友同居緊，同居之後我地決定一齊領養隻狗🐶
（一齊咗7年，感情穩定先決定一齊養）
事緣係咁的
最近我地屋企廁所潮濕發霉，女朋友同佢媽咪傾計嘅時候有提到🥲
佢媽咪就自告奮勇話要上嚟幫我地搞，話佢去霉好勁
因為我地兩個日頭都要翻工，所以我女朋友就比咗條鎖匙佢上嚟搞🥸
佢搞掂之後就影咗幾張相send比我地自己擺底咗條鎖匙就走咗🫠
去到呢到我都對佢心存感激
直到
我收工翻到屋企嘅時候，發現隻狗唔見咗🫨
即刻打比女朋友叫佢打比佢媽咪問
佢媽咪就話佢走嘅時候都仲見到隻狗 門都有關好🤓
我即刻開屋企個cam嚟睇，發現佢媽咪特登開門放咗隻狗出去
去到呢刻我已經係嬲到手腳都震曬，
因為我住緊棟大廈入面，有人好唔中意狗
會喺啲角落 樓梯位放毒藥，之前已經有一單係隻狗狗偷走出去玩
比主人喺後樓梯搵到 但得翻條屍🙃
我即刻出去搵狗，好彩最後喺下一層嘅走廊見到佢🥲🥹
搵翻隻狗之後
我錄底cam條片send翻比我女朋友同佢媽咪對質🤓
佢媽咪見到條片先肯認 佢話狗會令間屋風水唔好邪住間屋
為我地好先放走隻狗 仲鬧我點解要帶翻佢翻嚟🙃
嬲到完全唔知講咩好，據我所知
我女朋友鬧到佢媽咪block咗佢連屋企門鎖都換埋唔比我女朋友翻去
