自卑感

Anonymous
同女朋友已經一齊咗一段時間,一直都相處得好好,大家都超鍾意對方,而且都會肯為對方付出 佢對我嚟講已經係最完美嘅伴侶 佢係個好靚嘅女仔 間唔中都會有人去攞佢ig,而且佢都好易同人相處 基本上喺大學無時無刻都可以同班frd一齊 但係相反 我只係個平平無奇嘅男仔 外表又唔係好睇 入到u又唔係好識到朋友 同佢嘅生活其實都幾差天共地 亦因為咁 成日都會質疑自己到底係咪真係配得上佢 又會成日忍唔住攞自己嚟同佢比較 然後變得更加自卑 我好清楚佢唔係因為上面講嘅呢啲原因而鍾意我 而係因為因為內在嘅性格 待人處事等 都已經問過佢好多次 但每次一諗到上面講嘅嘢都係忍唔住會自卑 甚至有啲怕佢唔鍾意我 明知唔應該咁諗但就係忍唔到 知道呢個係我自己嘅問題 唔想因為咁樣嘅負面地影響我同佢嘅關係 所以想問吓大家可以點樣令自己冇咁自卑 少啲咁樣比較?thx 🥹🥹🥹
LikeHaha
214
19 comments