好想識個醫生男朋友 🥹

香港城市大學
(更新) 呢個po啲藍頭發生咩事⋯⋯ 一個二個陰陽怪氣咁 講真 每個人興趣/揀偶條件都唔同 自己話想搵個醫生男朋友唔代表啲咩囉 我又冇話咩非醫生不嫁 而且真心我唔係為錢 你叫我同個醫生拍拖我都絕對接受AA/經濟獨立 自己人工唔算低 照顧自己生活絕對足夠 唔講仲以為自己po錯去lihkg 幾時開始Dcard發表下自己感受都變成咁⋯⋯ ================================= 唔好屌住 (非拜金港女)🙏🏻 自己其實由細到大都對醫學方面有興趣 所有醫生劇都有追 特別鍾意睇人哋做手術 自己或者屋企人一有少少身體唔舒服就好鍾意google病徵 睇晒所有有可能嘅病嘅起因 治療 診斷方法等等 😂 不過自己成績唔夠好又懶 所以讀唔到醫 😢 另外就係每次喺醫院或者診所見到著醫生袍嘅人都會莫名吸引到我 (聽過其他朋友話對著白色恤衫嘅男仔有興趣) 自己就係對著醫生袍嘅男仔有興趣 😍 而且好多人都話同醫生拍拖嘅最大問題係冇時間陪伴 🤔 而自己偏偏係啲好獨立嘅人 而且份工工時都長 成日要OT 所以好唔鍾意痴身嘅男仔 覺得醫生好啱自己 有醫生做另一半仲可以成日聽佢講一啲醫學知識 諗起都開心 🤣 不過正常樣嘅醫生男仔應該已經會有好多護士埋身 所以都係由我喺度ff下算 🥲
LikeHaha
113
166 comments