長期A0人士嘅忠告
匿名
琴日有個post，不過條友已經del咗，內容係關於佢就嚟30歲都仲未出Pool。事實上喺香港，25-30歲呢個組別，從來都未拍過拖嘅人，不論男女，都唔係少數；甚至有d係35-40歲都仲係a0。由於長期單身嘅人，背後都一定有原因，以男性比較居多，所以會主要從男性角度作討論。
- 1. 外貌太差
如果樣衰嘅話，咁冇辦法。樣係天生嘅，除非你整容。但係起碼最低限度，保持個人乾淨、清潔；唔好搞到不修邊幅、污糟邋遢，頭又唔梳又油。身材方面，肥都已經趕走左大部人。
- 2. 好少未接觸過異性或社交圈子太窄
有d人，由幼稚園、小學、中學都係讀同一性別學校為主。呢類人同長期單身嘅人都係一樣，大多數同異性交流嘅內容，可以話係嚇死人；例如問埋晒d唔適合嘅問題，又或者係打破沙盤問到篤。一上嚟就好似查家宅咁。見工咩大佬？咁洗唔洗send埋封CV俾你睇啊？
- 3. 自身條件太差
琴日出post嗰條友，佢已經29歲。差唔多係而立之年，亦都係適婚年齡，連買架車嘅能力又無，租樓嘅能力都無，仲要講得出「高不成，低不就」呢d說話，換咗係我，我都覺得羞恥。
作為一個男人，即使係基層出身，只有中學學歷，出嚟社會打拼咗10幾年，點都會升職加人工，如果仲未有呢個能力，係咪應該反省下自己，點解唔上進，係咪自己唔夠努力？定係自己入錯行？
- 4. 思想/性格有問題
至於思想方面，特別係男人，自己溝唔到女就成日話香港d女仔拜金。但事實上係香港d男仔太撚窮，又無上進心，然後只會喺網上留言話女仔拜金，為自己扭曲嘅價值觀搵藉口。
- 5. 興趣太過狹窄
如果你嘅生活只係得返工，放假嘅時候留喺屋企打機。有咩可能會識到人？同女仔傾偈，一問到你平時鍾意做啲咩㗎？你根本係冇嘢好講，雙方之間根本冇辦法可以產生共鳴，你同佢又點做到朋友？又點可以喺埋一齊呢？
除此之外，我亦都想喺度奉勸25-28歲嘅人，你嘅人生已經過咗¼。如果你嘅事業仲未成功，又或者想轉行嘅話，呢個年齡係好關鍵時刻，盡可能喺30歲之前完成學業同考到專業牌照，事業就會喺幾年之內穩定落嚟，同埋諗辦法擴闊社交圈子，多同異性相處；搵一個合適嘅對象。如果一切順利嘅話，35歲之前結婚係絕對有可能。上述嘅例子，都只不過係冰山一角，歡迎大家留言補充。
［更］
有部份人唔係主動a0，而係被動a0。呢種人，明明自己身上出現咗問題，竟然可以調返轉嚟講，話人歧視a0，我真係好無語；但我想講嘅係，如果自己唔肯承認自身有問題嘅話，仲喺度自我安慰、自我催眠單身有幾咁好。除非你係主動a0，否則你呢一世疊埋心水等住孤獨終老啦，破處就唔洗諗啦，做雞蟲啦。
