信唔信 fuck boy 會改過自新
匿名
未拍拖之前，男朋友有過幾個SP
知道佢試過同唔同人one night stand
啱啱一齊嘅時候，佢有同我坦白過呢樣嘢
佢話嗰排啱啱分手， 覺得好迷失
有一種報復性心態所以周圍去玩
嗰陣嘅佢都覺得自己好亂
到而家同咗我一齊之後
基本上佢好專一，唔會落club飲酒周圍蒲
從各方面睇佢都對我好好
佢曾經同我講過，因為我嘅出現
令到佢覺得呢個世界其實仲有真愛
因為我嘅愛令佢改變
一開始嘅我都有少少接受唔到佢嘅過去
但係諗深一層其實嗰陣佢係單身
每個人都有自己嘅過去
at least 呢一刻嘅明顯睇得出已經改過
比到 100% 嘅安全感比我
雖然身邊啲朋友一開始都同我講唔好沉船沉得咁快
但係我覺得自己當初冇睇錯人
Fuck boy 唔代表呢一世都係 fuck boy
直至佢遇上佢唔想失去嘅人啫
