我要點樣先可以拍到拖？😢
匿名
小妹身邊真係冇乜異性朋友，性格又唔係奇奇怪怪，咩都可以笑一餐，個樣正正常常，但係就真係完全識唔到異性朋友。之前都有問過朋友佢哋都話我個樣生到好似有男朋友，同埋問過一啲最近先識嘅朋友仔佢哋都以為我有男朋友，我都有再問佢哋點解會咁樣覺得，佢哋話成個人嘅感覺個性格所有嘢都感覺好係人哋女朋友嘅感覺，所以就搞到冇乜男仔想識我。但係明明我就係一個單身咗幾年嘅女仔，性格仲話可以改下，但係個樣生成咁都冇辦法㗎。
對上一次拍拖已經係幾年前嘅事，嗰陣係初戀唔識點樣拍拖，乜都就佢，就搞到佢成日情緒勒索我，有次仲俾我發現到佢偷影我，仲成日攞其他女仔同我比較，嗰陣仲諗緊原來拍拖係咁辛苦。會唔會係自己問題，可能我太黐身，可能我太縱容佢，我都唔知。
直到我鼓起勇氣講分手嗰日我完全冇唔開心嘅感覺反而好開心好似逃離咗地獄咁，之後就開始驚會唔會之後拍拖都會係咁樣。就係因為咁搞到自己好驚拍拖，但係同時又好羨慕人哋拍拖，好羨慕人哋有個愛自己嘅另一半。不過其實我都好多謝佢，係佢教識咗我真係要愛自己多啲。
到而家呢一刻我自問自己已經消化曬，可能我自己都會遇到一個好好嘅人愛我，但係就一直都搵唔到一個咁樣嘅人。
所以就想問吓大家，我要點樣先可以識到一個愛自己嘅另一半。Thank you🫶🏻
