我係咪應該表白？
匿名
公司嚟咗一個女仔👧年齡同我相差一年左右，佢笑起上嚟好靚。成日都好似有滿滿嘅正能量，慢慢我就俾佢吸引咗，跟住成日都好想見到佢。
但係奈何我哋根本唔同team，平時除咗lunch約出嚟食飯，好少有機會交流到。
有時見佢唔舒服，我又有啲藥係Office我都會攞俾佢。但係慢慢喺Office入面就傳開（公司有兩層，據資料所得，其中一層都傳緊話我鍾意佢）話我對佢獻殷勤。
當我知道，大家喺度講緊我鍾意佢嘅時候，我就問個friend嘅意見，依家應該點。因為本來我只係想慢慢了解佢，傾吓偈先，了解多啲先。但係當大家傳緊嘅時候，我嘅friend就建議我，直接表白咗先。但係唔係嗰種話我好鍾意你叫你同我一齊。而係對你有好感，想了解多啲嗰啲嘢。
我大概諗咗同佢表白嘅內容：大概最近聽到大家喺度傳緊我鍾意你。我想表示，我對你係有好感嘅，因為你為人切想令到我會想認識你多啲。同埋喺你開心笑嘅時候我覺得你嘅笑容好靚，同時間亦都覺得你背負咗好多嘢喺後面，除咗我想見到開心嘅你，我都希望能夠同你分擔到你嘅唔開心。我冇辦法否認會鍾意你嘅可能性，但係現時嘅我對你嘅認識未係好深，我希望可以嚟緊認識你多啲。
依家我好糾結嘅位係我應唔應該表白？定係由佢模糊不清會比較好啲？好想知道有冇女仔可以解答吓，如果有個咁嘅人同你表白會點諗？
