突然，喺寧靜中，佢問咗句：「你係咪有咗第二個？」
我同佢一齊坐喺我Hall嗰張單人床上面，面對面，喺佢嘅靈魂拷問下，我眼神瞬間帶點愕然，佢接住問：「幾時？」
我同佢講返啲時地人事，以一個做錯事嘅姿勢向佢交代一切。但我無要求佢嘅原諒：「咁所以你明點解我要分手啦。」
佢問我當時係咪飲咗酒，我話唔係。佢問我係咪被迫，我話唔係。佢問我係咪鍾意咗嗰個人，我話唔係。我知道佢嘗試去幫我搵藉口，但真相係，我的確出咗軌，同埋我唔捨得無咗佢同我埋單。
嗰一晚講完，我瞓得好好，而佢聽講就好似斷斷續續失眠咗3個月。到第二日起身，我哋一齊食完嗰lunch，就分別了。之後我返咗hall，將要流嘅眼淚都流哂出嚟，畢竟都差唔多三年嘅感情，但結果係我一手造成，所以無野可以怨。
呢次分別，我以為唔會再同佢有太多來往，但仆街嘅我，因為習慣唔到自己一個，又再去搵佢。過咗一兩個星期唔夠，我又走咗去搵佢。我知道佢仲好愛我，我知道佢唔捨得我，我知道只要我搵佢，佢一定會理我。每次搵佢，不外乎係去飲野，傾返點解要咁做，佢不斷覆述佢無嬲我，求我同佢一齊返，佢話佢可以當嗰一次無發生過，但我又點會真係無再約我同事啊~
再到後來，如果我太悶，想搵人打邊爐，我會搵佢；想睇戲，我會搵佢；想去玩，我會搵佢。簡單啲嚟講就係我有需要，我就搵佢，包括扑野。
可能你會confused，明明同事仲喺度，點解又要搵返ex搞？名義上雖然我哋係分咗手，但每次約出嚟，可以話同情侶做嘅野無分別，佢會拖我丶攬我丶錫我，因為佢唔知我有搵keep住搵同事，佢覺得以我咁大食應該會想扑野。佢提出，我又唔好意思拒絕佢，令佢覺得我真係仲有約同事，而且我仲想最後佢幫我埋單，所以我呃住佢，俾佢屌我。
之前有講過我知道只要自己夾緊就會出好多水。係因為我以前同男朋友扑野，佢通常都唔會serve我，只係我摸硬佢，勾引完佢，佢覺得自己夠硬，就會除我褲，插入嚟。自從我發現咗呢個情況之後，我每次整硬完佢，喺佢除我褲嗰陣我就會係咁收緊下面，只係為咗佢可以喺我濕住嘅時候插入嚟，不然，佢係真係會就咁隊入去，然後痛死我。
喺我出軌後，我哋嘅扑野依然都係咁枯燥。有時，我同事要返工而我又好想扑野，我就會約我ex食野，之後引佢帶我返屋企食我，等我可以解下渴。以前我哋都有用套，我諗佢宜家屋企都起碼仲有6-7個，但出軌後，我真係覺得唔用舒服好多，我就叫佢唔好用，點知佢好似太敏感，本來易射嘅佢竟然仲快射咗。而我密謀咁多野就係為咗扑野，點知先得嗰十分鐘都無，件事就完咗。我瞓喺張床，下面好似只係俾條棉條篤咗入嚟一陣，進進出出，又無令到我爽之餘，我仲要嗌返俾佢聽，搞到佢以為我真係咁有feel。結果，本身以為可以出下火，豈料連攝牙罅都唔夠。最後，我都係去沖涼嗰陣自己處理返。
如是者，維持住呢種唔清唔楚嘅關係兩個月後，我諗住兩位都當做fwb，眾生平等之際，佢喺聖誕前嘅晚上message我，我哋都係分開啦。
I was be like: wtf?
嗰日，我啱啱先同佢出完街，言語間仲話下次要去邊到邊到，要食邊間餐廳咁。我以為，所有野都喺我控制範圍之內，佢三更半夜突如其來嘅一句，令我失哂方寸，我打電話俾佢佢又唔聽，我搵佢佢又唔覆。我同事話，咁咪好囉，如你所願。但我所願嘅，並唔係咁。仲好記得嗰陣凌晨3點，我call咗架的士，由科大去佢屋企，坐喺佢張床等佢返嚟。
我第一句就問佢點解。佢話呢一段日子以嚟其實佢好唔開心，佢唔想再唔開心落去，所以想放我走。從佢語氣間，我知道佢唔係講緊真心說話，我問佢頭先同邊個一齊，佢先坦白嗰句message喺佢嗰friend打。
從出軌到嗰一刻，無論點講其實都係我理虧，但我揀咗屌爆佢同第二個講我哋嘅事，然後話佢唔張中我😂。嗰陣已經深宵，我喺勁眼瞓嘅狀態下講過啲咩我都唔係好知，唯一可以肯定嘅係，我話：「我無再搵我同事，如果有，我點解仲要同你扑，我大可以唔理你。但宜家係你唔開心，你心裏面有條刺，我哋返唔到轉頭㗎啦，算啦~」
而佢就係咁我同解釋：「嗰訊息唔係本我意，可唔可以當我無send過，我想同你開開心心就夠。」
但我都係好決絕咁講結束。或者嗰晚喺佢屋企等佢返嚟嘅時候，我已經由好想拉返住佢埋單，變咗唔想再對住呢個人，更甚嘅係，我開始有啲憎咗呢個人，憎佢喺我call佢嘅時候唔聽，憎佢read我搵佢嘅message。
去到呢度，嗰陣嘅我同宜家睇緊嘅你，應該都以為我同佢會完啦。但件事仲未完，聖誕節嗰幾日附近，佢話俾我聽，佢11月睇過我手機，見到我仲有約我同事，睇咗我哋扑野嘅片……
