香港教育大學

做野定讀書好?

2020年5月28日 11:07
我今年幼兒教育high dip畢業,諗緊入幼稚園做好啊定去台灣讀書?(已有offer私校文科) 當初報台灣大學係想轉科,對幼敎唔抗拒但唔算好有興趣,但唔想一世做幼教,所以報咗文科轉(相對出路無咁明確),諗住重新讀4年拎個degree 。 依家又諗其實出嚟做嘢都幾好(家境一般,租私樓住),起碼可以儲啲錢。雖然幼教好辛苦,自己又唔算好有興趣,但後生做野捱下好似無咩所謂。(我知做老師唔應該只為錢..但收得人工都會盡責做)可能第一年搵助教做試下先。 我係點都想拎到degree,教大有幼教part time degree ,比人做住野夜晚去讀(我今年無報,但如果今年入行做野好大可能出年都會讀呢個拎degree),但驚讀完做咗呢行幾年之後就一世,日後好難有機會轉行...可能讀master先有機會轉,所以依家好掙扎要不要做呢行做到讀完3年degree再計劃,定趁早轉行依家重新讀4年。
180
留言 61
文章資訊
共 61 則留言
淡江大學
其實做野你幾時做都得 讀書拖多幾年你就唔想讀
原 PO - 香港教育大學
B1 係,但我台灣offer係人文個啲科,面對出路迷惘,加上讀書係不斷洗錢,我內心會好唔踏實..始終普通人都需要工作應付生活,驚讀咗之後無工做
靜宜大學
B2 人文科係咩科
原 PO - 香港教育大學
係social science類嘅科
澳門大學 機電工程
除非有自信是天才,否則讀書好
香港理工大學
Soc sci唔好讀啦(除左社工,利申讀緊soc sci好想轉科)
原 PO - 香港教育大學
B6 我知😂但我唯一offer就係social science,所以一係讀一係入行做幼教(但我又唔想做🙈),最後可能焗住讀呢科。 想問Soc sci係咪無出路?
香港都會大學
做咩咁睇唔開?
香港浸會大學 財務及決策學系
但其實你讀完人文學有無想做嘅工先?
原 PO - 香港教育大學
B8 因為想轉行啊..依家見步行步.. B9 以前想做社工冇讀到,但台灣社工牌香港唔認可所以冇揀到..但都㨂返social science類有興趣嘅...搵工想搵民調、社會市場研究個啲工
香港都會大學
朋友幼教,一路做一路讀pt degree,轉到科呀
原 PO - 香港教育大學
B11 真係架?佢係一路做幼教一路完成幼教pt degree 先轉科定點啊?
香港大學
Master轉 如果為錢轉行讀sosci嘥氣
原 PO - 香港教育大學
B13 係嘅,都諗緊第二條路,做住幼教捱完個pt degree(應該真係要捱得好辛苦),再master轉。不過3年後真係唔知香港環境會點了.. 確實Soc sci 係for興趣🙈真係咁大個人不得不考慮現實..如果揀做幼教讀3年pt degree,係咪叫做有degree拎係手加儲幾年錢,算係對自己有多啲保障?
香港大學
B14 如果為興趣 無可不何既
原 PO - 香港教育大學
B15 但我唔係有錢人無憂無慮🙈興趣的確唔可以當飯食。係驚讀完真係搵唔到一份可以應付生活嘅工..
香港大學
B16 咁尼個要再考慮@@考慮錢途就master轉最抵
原 PO - 香港教育大學
B17 多謝你建議🙏🏻係擔心3年後唔知環境變成點同仲有冇得出國讀
我認為其實要睇下你要個degree黎做乜:係想圓夢?想容易d搵工?想真係學習、增值自己? 我在社會工作已近十年,不多也不少,同十年前ge我比,除左老左好多之外,對讀書學習ge睇法亦有唔同:我ge思想變到,覺得讀書其實唔需要靠學位。 當然,係現今社會裡,冇學位好難搵到有前途ge工係事實,但亦冇人話有學位就可以搵到有前途ge工。我認為最重要係睇你個人思想,工作態度同點去present自己,呢d都唔係一個學位可以帶到俾你ge野。 最重要都係要睇你想追求d乜?睇你條問題其實你都未係太有方向,咁ge話你其實可以選擇做下野,拎d社會經驗,學下點樣做人處事、點樣有承擔、點樣提升自己的標準等等。 至於同時進行工作和讀書,我覺得最好唔好,因為咁樣好易兩頭唔到岸。唔係話你無能力做到,係我一直都對multitasking呢種做事方法感到懷疑,只會相信專心係一件事上面先至可以取得成功。 如果你都係想選擇半工讀,你可以幻想下你可能會得到同失去ge野,衝量下雙方先作出決定。 提外話:其實我一直都覺得讀書唔使去讀學位,因為一張證書ge作用唔係真係咁大。最重要ge知識同技能根本唔係係學位得到,而係透過閱讀、經歷、同別人交流、不斷練習等等ge途徑學到。
真理大學 企業及工商管理碩士學系
講真 乜都試過,一句講晒,冇興趣而讀嘅科目去到最後都係徒勞無功,好多朋友一年,一年半,最後都居然quit左,嘥晒啲錢。 建議方面,有經濟能力就梗係讀書。另外就係要揀一定揀自己有興趣嘅。
原 PO - 香港教育大學
B19 多謝你分享!當初一年前想去台灣讀係為學習,因為soc sci 係自己興趣,仲買哂書返嚟睇,只係出路真係好唔清晰。 考慮幼教半工讀,其實當佢係跳板...可以一路讀一路搵錢,覺得咁樣好effective🙈自己一直無收入其實好無安全感,所以都想做嘢儲錢。如果要full time讀我好清楚根本唔想讀呢科,或者要我淨係做呢行,其實我都唔太想。唯有要工作同讀書同時進行,我先有動力繼續讀呢科.. 其實我好清楚自己唔想長期做幼教,所以之後都好想有機會轉行。可能做到讀完三年pt degree 我就會即刻唔做,讀master/用其他方法轉行,可能我係想早啲可以出嚟搵錢? (我唔知當佢跳板嘅諗法,仲應唔應該咁做半工讀..) 面對依家環境,身為年青人嘅我都好迷惘..所以我擔心退縮計畫好嘅台灣升學。半工讀,起碼可以儲錢,又拎到個degree,好似增值到自己,有啲嘢拎起手。追興趣我依然想,只係可能將呢件事延後三年,但到時我叫做有儲錢有degree,呢件事好似無咁大風險?(唔知我咁嘅諗法有冇錯..?)
原 PO - 香港教育大學
B20 我明白,因為我hd呢科都捱到兩年,所以覺得自己好似都捱到。計劃台灣升學一直都係興趣行先,但自己經濟能力確實一般加上環境變化,迫於無奈都要考慮現實.. 我都好想依家就去台灣讀,只係我唔知自己可唔可以承受到只顧興趣嘅後果..
國立臺北教育大學
你個間係咩學校黎架~
香港浸會大學
若果做野既話要諗清楚,依家香港既環境同經濟受政治同疫情影響,揾工揾耐左,而且幼教入行不嬲多人爭,有機會入唔到行,所以諗定多一條路穩陣啲。
原 PO - 香港教育大學
B23 私立 台中的 B24 係,依家難搵,真係唔知讀書係咪好啲..
香港浸會大學
B25 若果揀去果邊讀書既話要有定心理準備係果邊發展,因為台灣有啲學位香港係唔承認既。有冇諗過博返入non jupas升U,屋企經濟差可以申請學資處,若果成gpa過3仲有助學金。
原 PO - 香港教育大學
B26 係擔心過到去揾唔到工就進退兩難,加上自己個科係soc sci..唔知博唔博一舖好 Non jupas我有報啊,但我比較遲2nd round先報,暫時都冇offer( gap 3.2 over 4.33) 我有好奇怪嘅諗法,因為環境因素覺得留喺香港就想做野先/半工讀,要full time讀就去台灣。
香港浸會大學
B27 留係香港揾錢儲錢比去台灣揾容易,主要睇屋企人經濟支唔支持你去台灣讀,唔支持既話。我會建議係香港讀non-jupas or top up半工讀加申請學資兩年,出到黎起碼有個degree係手,亦有儲到錢。之後,去台灣讀自己鍾意既master未遲。
原 PO - 香港教育大學
B28 多謝你建議,我都考慮緊呢條路,覺得咁樣最有效率同穩陣,但想半工讀重點就要搵到工同top up 收我。如果呢兩樣前設無咗,可能都係去台灣讀? 我都想半工讀之後可以好理想咁去台灣讀自己鍾意嘅master,只係三年後個世界變成點同仲可唔可以去台灣讀書都係未知,變咗今次放棄咗機會下次唔知再有冇。
原 PO - 香港教育大學
B28 屋企人經濟我唔係好清楚有啲復雜,問過佢吔表面話ok,但實際我唔知,可能佢哋唔得都答我ok.. 所以我唔知係咪有必要為咗早啲儲三年錢而未來三年做啲同讀啲冇乜興趣讀嘅野?(之前實習太大壓力做到喊😂)但順利忍到三年,我真係可以多啲野拎係手,對自己有着數?
香港浸會大學
B29 係既,若果non-jupas or top up唔收就要諗下去台灣,比着我係會想去台灣讀。我之前係HD non-jupas升u,然後first hon grad, 出左黎做FT做左5個月,諗住今年報台灣既master,下年去讀可以儲多一年錢。因為知道香港環境受政治疫情影響,未來一定唔好。另外,好多公司拒絕畢業生,所以係逼香港學生走。
香港浸會大學
B30 若果去台灣讀果科真係你既興趣,不妨努力啲去爭取獎學金,令自己過到去唔駛半工讀甘多。
原 PO - 香港教育大學
B31 係,我清楚知道自己係想去台灣讀😂覺得趁後生想見識多啲,加油啊! 我仲係好兩難..唔知過唔過去好。始終留係香港我要捱三年,而最後結果末必可以實踐到自己「夢想」,感性一定抗拒😂 B32 係,多謝你建議!
香港浸會大學
B33 應該一開始揀自己興趣黎讀,我有個朋友一樣讀幼教HD至top up之後係幼兒園做TA,但成日都轉工,當初揀因為份人工高啲,但唔係自己既興趣真係好難頂。我一直都係讀興趣既野,就算啲人話呢科讀出黎會乞食都照讀,讀完出黎總有路行既。所以你都覺悟算早架啦,支持你讀自己既興趣,起碼容易啲可持續發展落去。我讀藝術架比你果科更乞食,所以唔駛太過擔憂。❤️
原 PO - 香港教育大學
B34 多謝你鼓勵🥰我都係當初覺得幼教出路好揀咗,而個時又未發掘到自己興趣。 幼教真係好辛苦,但人難免都有現實面(三年後搵到錢+有degree其實係吸引),諗到「只係」做三年然後好理想咁可以追興趣,唔知其他人會唔會咁揀呢?當然依家諗就好理想覺得自己一定捱得過。 定趁早追自己興趣好過🙈依家自己未決定,變咗準備升學又唔係,搵工又唔係,唯有同時進行。
香港浸會大學
B35 你可以係Dcard睇多啲僑生post, 入下佢地group了解多啲僑生既出路。
原 PO - 香港教育大學
B36 好啊,我都有睇過。
東華學院
social science 冇咩出路,讀呢科既fd 講一係入lab 一係入漁農署,所以佢讀完出黎都係返U 做EO 算
原 PO - 香港教育大學
B38 其實呢啲出路都唔錯啊🙈揾到一份普普通通既工對我嚟講已經好好haha
香港中文大學
半工讀
香港都會大學
B12 係,就係你講個case,佢忍左五年
原 PO - 香港教育大學
B41 咁佢最終轉到行都幾好,我忍咗兩年😂
香港教育大學 幼兒教育學系
而家咁嘅時勢想搵間幼稚園請你都難,不如讀多三年先啦。我都係今年畢業啊,全年都冇點實習個d,我係校長都唔想請今屆畢業生,老實講幼教行業又唔係唔夠人手,甚至接近飽和。
原 PO - 香港教育大學
B43 我今年都冇實習..我都知現況係飽和,無正教可能揾助教/幼兒園playgroup個啲做住先。 你諗住讀part time degree 嗎?因為part time佢夜晚先讀,所以朝早唔做野其實好唒,所以讀多三年就好似等同半工讀。
香港教育大學
唔係有興趣 有心教小朋友真係比較難搞 可以同你講3年pt degree同你2年hd完全係兩樣野黎 如果嗰2年你都用「捱」黎形容 咁真係勸你讀其他好過 做老師本身已經好忙 仲要有3日放工去返學 返3個鐘 返到屋企仲要做學校啲野 又要做Project 少啲意志都捱唔到 到時發現唔啱再Quit仲晒時間 諗清楚先決定 利申 讀緊
香港教育大學 幼兒教育學系
B44 我應該做多一排野先搵part time讀,而家傾向搵play group 做住先
原 PO - 香港教育大學
B45 謝謝你建議,我會諗清楚! 我諗自己做得係會有心教,可能因為責任感,但興趣真係唔係100%,有更加想做嘅野(雖然興趣同有冇心其實有關係) 講「捱」可能係因為呢兩年好大壓力,實習唔習慣,但啲野我最後都可以完成。
香港理工大學
如果我係你...我諗我會做住幼教拎d社會經驗先...之後再考慮讀咩🧐因為我出來做嘢三年每年嘅諗法都好唔同。人係會隨著所見所聞而對自己career path 慢慢清晰d... 不過始終係自己嘅前途。我記得一句說話:如果選擇唔到,就揀辛苦d個條路...
原 PO - 香港教育大學
B48 都係,環境唔同咗,我上年同今年諗法都唔同。想即刻今年半工讀可能係唔想哂時間,依家後生個人會心急想儲錢同讀完degree。呢句說話雖然我第一次聽,但我會認真諗下,多謝你!(唔知冇咁願意行個條路/工作係咪叫做辛苦啲呢?)
香港職業訓練局 海事科技
台灣degree 同沒有也沒差別 有=無