國立嘉義大學

老豆老母突然反對我去台灣

2021年4月24日 12:16
當初12月同兩老商量之後佢地都ok既 咁我就報咗個人申請 收咗我 佢地知道嗰邊錄取我之後都冇話啲乜嘢 但係就喺呢幾日佢地無啦啦就話喺台灣讀完之後點唔好法、讀啲冇人聽過嘅大學番香港搵工好難、喺台灣返工好少人工等等 又話咩如果我dse考得好嘅話 有香港嘅大學收就喺香港讀 佢地認為始終香港啲大學個名響啲 去到邊都有人請etc DSE仲有兩日佢地無啦啦同我講呢啲野 搞到我都唔知點算好 而我自問dse個分應該淨係得Ling U比我入 有冇師兄姐可以比下建議小弟我🙏因為我實在唔知點好🙏感謝🙏
21
留言 27
文章資訊
Logo
每週有 30 則貼文
共 27 則留言
國立臺灣大學
Q: 返香港搵工好難? A: 係。台灣學歷係香港唔值錢,解決辦法係去外國top 100嘅U讀master(當然唔好讀廢科)。 Q: 係台灣好少人工? A: 名義工資嚟講,係。不過係台灣搵係台灣食就一定餓你唔死,仲草到錢。 Q: 香港啲大學個名譽好啲,去到邊都有人請? A: 如果「去到邊」係指外國,我相信外國淨係識3大加polycity 。台灣嘅大學排名較低,其中一個原因係冇乜人識台灣呢個地方——上網睇下台大同清交成嘅大學排名嘅差距就知,外國人淨係聽過以國為名嘅台大。 但係自從上年開始,台灣係國際上嘅能見度有所上升。 個人經驗分享: 外國冇所謂嘅認受性,去top 100讀碩士洗底係冇問題,前提係你學士間U唔可以太廢(頭段私立已經夠) 日後係香港發展的話,去台灣讀書唔係一個好選擇。台灣一個sem 18 weeks,基本上放假返香港搵唔到intern
原 PO - 國立嘉義大學
B1 多謝你既回答🙏太感動了😊
東海大學
台灣啲野其實都唔便,而且租屋都要2000蚊起,一個月1萬人工都無
國立嘉義大學
嘉大110學年的僑生新生快逃
國立臺灣大學
盡力考好嗰DSE先,多條路俾自己揀
國立臺灣師範大學
如果讀完想返香港發展就不如讀LU算 如果想移民台灣,就台灣讀
國立臺灣大學
B1 你的訊息是非常誤導的 首先好睇科 理工科(四大甚至四中)基本上同香港畢沒有分別 甚至略有優勢 (我返過科學園,我朋友台大碩,港島做緊工程師) 至於文科,我朋友政大文科畢業,非香港人。 一到香港半年就返到國際學校文書。(不一定是outlier,他沒有特別傑出) 至於 洗學歷,更加係戇居 你當HR 全部係白痴 多一張沙紙就要你? 遠不如囉獎學金,返國際公司intern (而且英國大把所謂全球top100係學店:有錢就有沙紙俾你) 而且第二份工開始全世界都無人會睇學歷的... 你有沒有工作過?
匿名
此帳號疑似異常
官方正在進行身份確認
不過我覺得如果有LingU既分 我會寧願遲多年報過間中字輩或以上 如果有心想黎台灣讀書既話
國立嘉義大學
如果你係嚟嘉大讀農學院嘅學系 確實讀完返香港搵相關工作 優勢會大好多
香港大學
台灣讀完再移民>>>>>>喺香港讀三大再坐監
義守大學
我讀所謂學店返香港都唔洗幾耐有人請 每次搵工send ≤5份cv 都有interview 有offer 反而唔明點解本地大學畢業既成日話send 極cv 都冇回音 FYI
淡江大學
B11 睇科系
義守大學
B12 我讀嗰科好廢㗎😂
國立臺灣大學
b1"台灣一個sem 18 weeks,基本上放假返香港搵唔到intern" 香港我就唔知,我朋友岩岩收到 Princeton 暑假 Summer Research Program offer. ( 可以睇成science 界 全世界最 top 嘅 internship 之一) 另外台大後年開始 (probably, I think) 行 一個sem 16 weeks
國立臺灣大學
B7 用個別例子去論證社會現象( ? _ ? ) 光鮮嘅你睇到,下面有幾多失敗你又見唔見到? 另外,佢係4大4中咩? 你鍾意攞朋友例子我就攞朋友例子,有中學同學bba——同嘉義大差不多level嘅大學——畢業係香港搵唔到商科工作。去外國洗咗個金融碩士之後返香港就搵到係銀行做分析嘅工作,起薪接近3萬。同一個系有其他人冇洗碩士,返香港一係就同樣搵唔到商科嘢做,一係就銀行起薪萬五。 我嘅朋友經驗有更大嘅sample size,but is it convincing to you? B14 台大行16個weeks都唔關佢事啦,正常台灣嘅大學放暑假都6月底,香港intern 5月基本上都搵晒。
國立臺灣大學
B15  我只係指出你以偏概全 你唔分科系討論已經好有問題啦 你係咪想蘋果同炸魚混作同一樣野黎討論呀? 你一個外國洗咗個金融碩士三萬人工就唔叫個別例子?(連correlation都未必有,而且聽你講佢應該係量化金融,唔係隨便就讀到的?) 我識兩三個洗完碩士都係香港得兩萬唔到,甚至一萬五起薪添... 所以我先極力反對洗學歷... 最後我真係唔係好信你值幾多錢 用一兩年 hea 吓hea 吓就可以翻倍(你好認真讀就唔叫洗學歷掛?好認真讀都唔須要洗啦?)
義守大學
B16 我都識人學士碩士都香港讀 畢業出黎唔到2萬😅
國立臺北科技大學
B0 其實講到最尾, 都係睇個人努力, 我覺得樓主最緊要都係睇自己能力興趣, 揀條岩自己既路最好, 無論你最後決定香港定台灣讀, 都係揀岩科目最重要 基本上所有個別例子其實都無參考價值, 一個「人/畢業生」有太多factors (成績, 個人經歷, 家底, 社交圈), 出黎做到咩工/咩公司請, 都係睇個人際遇 (就算你成績, 參加既活動社團, 同你隔離位同學一樣, 最後個人生結局都可以好唔同) 名校可以出垃圾學生, 廢校都可以出勁人, 唔需要因為自己讀咩學校而限制左自己出路, 人地睇唔起自己學校無所謂, 最緊要係唔好睇死自己 做好自己, 做自己鐘意既野, 呢個世界總有路走, 行一條屬於自己既路, 加油 DSE 盡力考好先, 始終公開試成績都重要, 考得好, 多個選擇比自己, 就算之後再報JUPAS或者外國院校都有用
逢甲大學
尋日考完chem,我嘅唯一感想係如果唔報台灣諗住喺香港讀最後係會連書都冇得讀... 可能我廢啦,本身覺得自己有4,考完覺得得返3 與其擔心咁多不如考埋個DSE先,到時你個心態可能會同我一樣
原 PO - 國立嘉義大學
多謝晒咁多位提出意見比我參考🙏 而家都係要專心考好個dse先 等自己有多個選擇
義守大學
你讀書係為工作咁可以吾洗嚟台灣讀 因為只有一有為工作尼個念頭 你肯定會將香港嘅大學作比較 但香港、台灣嘅特點完全吾同 根本冇辦法以同一比較點比較 建議你吾好以單一考量點作比較 加上你一上完堂 返到宿舍即刻認真讀 不管你係香港定台灣讀收穫嘅質量都一樣 你嘅知識質量 當你去實習interview或者去報名d國家科學研習營 你入面寫d咩 人哋已經睇得出你實質有冇料 千奇吾好做一個膚淺嘅人 只為一張「紗紙」 咁樣就算你最後讀書吾差得去邊都好 都做吾到the best嘅自己 咁樣你讀下讀下就會吾知為咩為讀 一直蹺緊圈
大仁科技大學 藥學系
B1 我呢啲後段私立科大 舊年有個師姐畢業之後即刻去咗UCL讀master of clinical pharmacy 喎 勵志故事
匿名
這則留言已被刪除
已經刪除的內容就像 Dcard 一樣,錯過是無法再相見的!
義守大學
B11 B21 好多義守大學朋友仔 揮揮手先🙋🏻‍♀️ 回覆B0 個人經驗🙆🏻‍♀️ 我返到香港第一份工係搵台資公司(中華航空officer) 人工其實唔太高13-15k左右 但起碼承認係大學學歷先 **順帶一提 其實每年都會有搞幾日既招聘日專for台灣畢業返港學生/留港台灣人 怕搵唔到工可以留意下其實邊幾間企業係會承認台灣學歷** 浸完兩年 其實之後搵其他工難度就唔係好難 之後我轉工轉左去做飛機維修[officer] 都有17-18k 幸運既係 我唔係好似撒網咁9 send CV 而係揀中果間 一sd 即日/隔日就覆我去面試 然後轉工都係一sd就有面試機會🤗 樓主要加油💪🏻💪🏻💪🏻💪🏻💪🏻 Btw; 我已經搞好晒文件- 用HF169移民條例準備移民返台灣啦🙈
逢甲大學
垃圾商科 香港就業 非商科15K
香港大學
專心考試先!跟住你鍾意咩就讀咩!我都想去台灣...不過已經讀落冇得轉😭
國立中山大學
B24 一路順風啦🥺