實踐大學

在澳門申請HF169 居留分享

2021年11月9日 17:36
B51 有入境過程更新文章 ~~~~~~~~~~~~~~~ 因為一啲大家都知道嘅原因 覺得港澳已經唔適合本地人再居住, 同埋加上有聽聞過HF 169 好似想改申請難啲🤔🤔 睇咗好多網上分享,但係大多數都係香港夶講香港嘅申請方法,所以今次就分享下喺澳門申請嘅方法 HF 169 準備的文件📝 ✅保證書 ✅身體檢查合格證明 ✅預約台北經濟文化辦事處 ✅申請無刑事紀錄證明 ✅申請兩年收益紀錄 ✅香港或澳門居民身分確認書 ✅兩吋證件相 最好就比台灣要求嗰個規格佢 ➡️因為兩吋相都有分頭大細 ✅文件影印 ➡️分發書x1、畢業證書x1、身分證x2、特區護照x1 (身分證×2係因為去財政局申請收益證明需要影印本一份) ✅白色信封一個 申請嘅過程 1.建議搵咗保證人喺台灣整好保證書先(重點)!!! 建議保證人係要好friend好friend嘅,因為佢要擔當一個 保證你去到台灣如果第一年生活有啲咩問題佢都要負責嘅角色。 所以要搵一個好朋友做保證人 而且保證人要向公司申請在職證明都要啲時間 之後仲要去移民署驗證,然後要寄返嚟澳門 (我揀咗用順豐,所以好快就寄到返澳門)
imgur
imgur
2. 準備居留或定居健康申請表 當你搵到保證人準備緊保證書 你就可以去做體檢先 (可以喺鏡湖、科大醫院或者衛生中心做體檢。) 我當初就揀咗鏡湖,要提前打電話去體檢中心預約同佢講預約做出國居留既體檢 約好個時間就可以上去,上到去體檢中心行去櫃檯同佢講book咗做檢查,佢哋會就要求你比嗰戈份居留或定居檢查項目表佢,同時會收走埋你本針簿, ✅居留或定居項目檢查表 (Google打”居留或定居項目檢查表”) (應該第一個就係cdc.gov.tw個網站)
imgur
✅針簿
imgur
去交好錢之後就可以等抽血同埋見醫生準備好晒就OK 拎報告嗰日會還返針簿俾你
imgur
要準備好(MOP290蚊、針簿、居留或定居健康檢查項目表、相一張) 大概10到14日就可以
imgur
~~~~~~澳門唔需要做公證~~~~~~ 之前好睇好多香港夶嘅分享都有公證呢個一步驟,澳門嘅朋友仔係唔使嘅(唔好問我點解知因為我7左好多次 3.預約台北經濟文化辦事處 一做完體檢知道大約時間可以拎報告 就可以預約文件驗證 你要上去台北經濟文化辦事處 (澳門)個網站 預約文件驗證,千祈唔好直接走上去”皇朝廣場5樓”戈度,你冇預約上到去 唔會俾你入去 (由於疫情原因,由2021年8月2日起,開始要預約先至可以)
imgur
文件驗證嘅日期係非常full 我當初係約咗最近嘅日期,之後一得閒就上去睇下有冇人取消,放返個名額出嚟再改早啲,結果真係有人取消左 好好彩 (改咗好多次
imgur
(記得唔好No show,去唔到都要去取消 話唔定你取消戈個時間可以幫到其他人 4. 申請無刑事紀錄證明、申請兩年交稅紀錄 呢兩份文件相對於之前嘅文件好快就申請到 建議先申請咗兩年收益記錄先, (可以去綜合大樓或者中華廣場+財政局) 綜合大樓同我唔順路,我就揀咗中華廣場+財政局 一入到去可以喺樓下嘅櫃檯拎一張表,如果你直接同佢講話要收益證明可能會申請錯(唔好問點解我會知🥲 你直接俾佢睇話想申請呢一款就可以
imgur
之後佢會俾份表格你填好你呢兩年任職嘅公司,想要顯示嘅年度之後上去一樓撳飛仔交表 佢會要一張身分證影印 要自己準備 領取文件嗰日收MOP15蚊
imgur
大概七個工作日你就會收到SMS通知你去領取文件,申請同領取可以唔同地方(咁啱你屋企附近有綜合大樓你可以選擇喺綜合大樓領取文件
imgur
無刑事紀錄證明 我當時就順路去咗中華廣場身分證明局同埋財政局 身分證明局自助機就可以 (當日幾個鐘就可以攞,亦都可以等收益證明OK嗰日一齊拎都可以) 無刑事紀錄證明 記得要揀申請台灣居留
imgur
imgur
5.去皇朝廣場5樓驗證文件 準備好晒上邊嘅文件,而且又約好咗文件驗證 恭喜你,已經完成咗一大半 你上到去要俾佢睇你預約咗嘅email,
imgur
之後入到去撳張文件驗證嘅飛仔,就會有人叫你過去 你要交保證書、收益證明、無刑事紀錄證明、健康檢查、俾佢申請文件驗證,佢會收走咗,大約幾個工作日就會OK,佢嗰張收據會寫埋幾多號可以領取已驗證嘅文件 如果你申請錯文件佢會問”你要交換文件定係申請好再過嚟?” 一定要交換 如果唔係你就要重新預約過
imgur
當你拎到張收據,呢個時候就可以順便上個網站預約埋申請入台證 6.申請入台證 做埋呢一步,基本上可以話搞掂 佢嗰日要準備好申請表、身分證、護照正副本、驗證過嘅保證書、健康檢查表,兩年收益證明,分發書,畢業證書,香港或澳門居民身分確認書,白信封一個 辦理證件費用:澳門幣 357元(請備現金、不接受信用卡、電子支付) 唔使理戈個HK$165 實際收費係澳門幣 357元
imgur
大約17日你就會收到郵局寄掛號信如無意外係會親自上門俾你,因為個郵差話台灣郵件會親自送上門,除非無人先至會係郵局拎
imgur
——————————————————————— 其實個方法同香港差唔多 只係有少少出入 前前後後由七月尾開始整到11月頭 跟住落嚟應該會安排好澳門嘅嘢會出發過台灣 希望可以幫到大家 如果大家有啲咩問題我又知道就嘅我都會答大家
愛心
77
留言 71
文章資訊