國立臺灣師範大學 僑生先修部

就嚟俾學校退學⋯⋯🥲🥲

2021年12月10日 01:38
事緣我本身有情緒困擾(BPD+PTSD) 個病好容易會因爲周圍環境/天氣影響發作 一發作就係出唔到門口 然後早排考試數學大炒+缺課時數太多 壓力大咗少少就成個人灰尻咗 咩人唔敢見,淨係匿係床上面 其實學校呢邊支援都好夠 有輔導定期見面+有醫生睇 班導同專責老師好體諒,我請咗好多假佢地都冇乜嘢講 仲成日鼓勵我,又讚我其他科成績好、叫我加油 但係我自己都係唔生性 仲係被自己以前啲創傷困住、搞到缺課時數過高 同屋企人講好咗過到嚟台灣要重新開始 但係過到嚟自己plan咗做既野咩都未做之餘 仲要就嚟俾學校踢走 我真係唔知仲可以做咩 專責老師就建議我休學 但到頭來咪只係將個問題推到半年後解決 咪又係要俾人踢走 唉⋯⋯ —————————————————————— 其實我真係好憎我自己 我覺得我真係好垃圾 我感覺過到嚟只係將我既問題由香港搬咗過嚟台灣 好想死,好唔想再諗起過去嗰啲惡夢 但係一諗到自己條屍火化都用人哋資源,我就即刻唔敢再諗 至少躺平還躺平,我唔想自己死咗都要搞到人哋 我在世已經係一個負累,我唔想死咗都仲係咁 好攰,真係好攰⋯⋯ 或者踢走我呢件垃圾都係一件好事嚟🙂🙂
15
留言 18
文章資訊
Logo
這裡是專屬於僑生交流的版面。
共 18 則留言
所以你想我地點安慰你 你都唸到咁偏激 不過我有一個方法應該幫到你 你去泳池閉氣落水 眼望前面乜都唔好理 好好放鬆自己 放底心裡面所有既野
唔講以為自己出po... 我同你一樣啊,其實冇辦法,休學就休學啦,休學仲可以複學,好過真係退學,休學完叫等好啲再試過
國立清華大學
番HK囉
休學 抖下先 因為個病 一定好攰 其實你自己都吾想架.. 至少你以前有重新開始既諗法
東華學院
不如先翻香港啦 返去屋企人身邊話唔定冇咁辛苦⋯ 始終台灣係另外一個環境要重新適應 適應唔到就會好depress 雪上加霜
國立陽明交通大學
返去啦 僑先部都讀唔掂 上到去全部用英文讀你都係唔會讀得好
國立臺灣海洋大學
休學先 呢個認真 休息夠 再過黎搏殺係一件好事黎
輔仁大學
點解一定要系自己唔適合讀書既時候讀書?遲小小,穩定翻自己再讀過都得架……
香港高等教育科技學院
B5 休學係咪唔洗強制出境?
國立臺灣師範大學
俾d時間自己 養好d個狀態先再繼續 關關難過 關關過 事在人為姐 你夠堅持可能就挨到過去ga啦 加油吖~你得既🤍
銘傳大學
加油啊!!
匿名
這則留言已被刪除
已經刪除的內容就像 Dcard 一樣,錯過是無法再相見的!
銘傳大學
同你一樣,都有ptsd🙏🏻❤️ 今年大二,本來嚟台灣係為咗有個新開始,改善身心健康 但係有啲不幸運地,遇到一群不了解情緒病嘅「朋友」,粒聲唔出就排擠咗我,搞到我生日自己一個人過 學校社工不專業,逼我講一堆痛苦經歷後,完全冇俾回應同幫助😔 遇到一堆鳥事,真係唔多唔少令我對喱個地方反感, 所以我決定完咗大二,都會選擇退學,翻香港,搵翻自己。 唔好怕步伐比其他人慢,有啲人讀完4年U都可以完全冇自我、冇理想, 相反花多啲時間盡情休息、發掘自己鍾意做嘅嘢,俾自己開心下,一定會好過一直活喺學校嘅時間表同規則底下! - 叫你唔好憎自己,唔好諗自殺,喱啲説話我都知道係冇用嘅, 其實有時我自己都同你諗法一樣㗎😔 點都好,你要記住啊! 慢慢嚟,仲年輕,有好多時間可以俾你搵到你喜歡嘅生活模式、喜歡嘅自己❤️ 試下諗下,當你選擇咗了結自己,上帝同你講,原來你錯過咗某啲將會達成嘅夢想、人生成就,你真係甘心嗎? 相信因為情緒病,會令到你比一般人有更大嘅同理心,更識得包容,更識得珍惜所擁有的, 其實我地都可以透過喱啲病喺思想上比其他人細心同成熟,雖然可能發病嘅過程一直令到我地好煎熬,不過可能就係透過喱段艱苦嘅日子,先引領到我地去得到意想不到嘅精彩道路~ 喱度講唔到太多野啦,有興趣可以做個朋友呀:D 凌晨瞓唔著好多野講haha,anyway加油呀❤️
原 PO - 國立臺灣師範大學 僑生先修部
好多謝上面各位既回覆 可能真係因為呢個病既關係 第二朝我起身已經心情平復咗好多 同埋我自己一直有back-up plan傍身 所以嚟緊應該會先休學,然後再慢慢係呢邊見步行步 加上之前我都有自己一個係外國生活既經驗 所以問題唔大、甚至可能對我既狀況仲好啲添 但係度都想覆翻你哋啲comment B1 冬天喎同學,點游呀🥶🥶 B2 有冇興趣PM傾? B6 似乎係你啲閱讀理解唔掂多啲喎,你邊度睇到我係讀唔掂+英文差?我數學炒左啫,唔代表我其他科唔掂。我係咪要攞埋我本英文小說督著俾你睇咁你先覺得我讀到大學?上唔上到大學並唔代表一切,甚至唔少我身邊既同學都有一兩個bachleor揸手。All that glitters is not gold, okay?? B9 專責老師話唔會,但係可能會影響審批緊既居留證(同埋呢邊幾多逾期居留既香港人🤦🏻‍♂️🤦🏻‍♂️) B13 當然可以做朋友啦,我PM你定點?
我讀研究所都讀到情緒病 好想先休學 但仲想留台 唔知可以留幾耐...
銘傳大學
我去咗台灣一年,上大二依年選擇休學返香港 我覺得自己捱完一年已經好叻,我一開始已經好唔習慣,又融入唔到,就算群咗班香港人,最後都俾人搞小圈子,直落就有半年都係抑鬱嘅狀態,寒假有兩個禮拜入面真係日日以淚洗面,又完全冇出過街。最後每個禮拜都喊幾次咁渡過期末。 休學返香港之後報咗HD讀,可能因為太嚴重,我頭兩個月心情都係嘛嘛,但係識到一班好同學,我依家慢慢行返出嚟。 我開始搵返自己,未去台灣之前識得開心嘅自己,我發現原來自己冇想像中咁差,只係我唔適合係台灣嘅環境,而且遇到嘅人都唔太好,我諗我應該唔會再揀返台灣讀。 - 以上都係我自己嘅抒發 我覺得休學返嚟,俾你自己休息下,搵返自己都係好事。我個期嘅香港人都有唔少揀咗返香港,所以休學未必同你想像中咁差。 正如,我當初嚟台灣都將佢想像得太好,適唔適合或者適唔適應又係另一回事。 加油❤️
其實呢兩個病都係腦作怪,人地不了解既鼓勵需然係好心,但往往成為自己既壓力,加上台灣既文化有事無事都係正面commend,有時更加容易有認知困難,自我認知同現實經驗既落差太大又係另一個壓力來源,被退學之前先休學啦,起碼可以重讀呢個學期,等身體差唔多先再上路啦
B14宜家先見到,可以pm啊,最新情況就係個frd係老師個邊得知我被人退咗學然後同我講,不過都知學分唔夠,未同屋企人講不過爸爸就話既然我都唔係咁適應到台南,又冇特別鍾意不如唔好返去,宜家plan緊搏加拿大一間大學,唔得就係香港讀或者再去台灣都起碼台北,個病就排緊期,不過被退學真係好丟架🤦🏻‍♀️