嚟緊去台灣 有嘢想問🙈
2月3日 23:55
嚟緊8月會去台灣讀書，想問而家出境香港入境台灣要唔要打針？
想問埋香港出境要打幾多針😵💫？🙇🏻♀️
上網搵咗好多但係都係冇講係咪必須打針同需要打幾針🥲剩係有話要2日內嘅檢測報告 所以想知道實際情況🙇🏻♀️🙇🏻♀️🙇🏻♀️ 感謝～
香港理工大學專業進修學院
6
文章資訊
共 26 則留言
輔仁大學
更正返暫時嚟講：
1. 台灣目前冇要求要打針先可以入境。
2. 台灣有個春節入境方案，打齊2針可以早少少返屋企。注意係只限新年，之後就唔知。
3. 香港一直都係打咗兩針就隔離14日，未打針就隔離21日，不過都要睇吓到時台灣會唔會去A區，升咗去A區嘅話就算有打針都要隔離21日。
-
因為今次新年有超級多境外移入個案，所以好多人都好不滿，唔排除之後一定要打2針甚至第3針先入到境嘅可能性。
台北市話想整疫苗護照，但係有好多阻滯，如果成功咗就係要打咗針先可以堂食。
台灣唔算太多人反疫苗打第三針嘅反應都好踴躍，好多地方都full booking，walk in勁多人排隊。
實名制掃碼甚至係冇乜人反對，只不過最近好多人分享話有足跡重疊，就俾人捉咗去隔離，但要係自己自費，所以有啲聲音話唔想再掃，不過我見到嘅係大家都係自動波去掃。
btw啲防疫啊入境啊措施成日變，真係冇人可以通靈同你預知暑假個措施會係點。