國立政治大學

臺北推廣廣東話

3月29日 22:40
大家好~ 我哋係國立臺灣師範大學粵語文化社,唔知大家對推廣廣東話有冇興趣呢~ 我哋專門推廣廣東話同埋港澳有關文化,希望喺呢度可以同大家簡單咁介紹吓我哋社團主要會做啲咩! 我哋平時逢禮拜四係固定會有社課嘅,而上堂教嘅內容就包括: 1. 廣東話拼音(粵拼) 2. 廣東話字詞、語句 3. 對話練習 4. 港澳嘅大小事! 我哋社團聚集咗好多好鍾意學廣東話嘅非母語者, 同埋好多嘅港澳生, 如果你都想嚟學廣東話, 或者係而家學緊廣東話, 呢度絕對會為你打造一個絕佳嘅學習環境! 而我哋社團𥚃面都有好犀利嘅台灣神人, 由0可以學到母語者嘅Level, 等緊大家一齊嚟交流。 另外!如果你係港澳人,或者係廣東話嘅母語者,想推廣廣東話嘅話, 我哋都有提供“助教計畫”, 如果你成為咗我哋社團嘅助教, 就可以加入我哋喺堂上輔助其他學員一齊學廣東話, 或者都會有機會可以直接上台教吓廣東話添, 如果你唔識粵拼嘅話,都唔緊要, 因為都可以一齊上堂惡補吓XD,多啲瞭解我哋嘅母語。 大家可以交流吓學吓嘢,創造出良好嘅廣東話學習環境, 未來有意願嘅話都可以加入我哋,做我哋嘅幹部, 一齊推廣廣東話。 更加多嘅資訊可以上我哋嘅FB, IG上面睇睇 FB: 師大粵語文化社 IG: @ntnu_ccclub 對我哋嘅社課、助教計畫有咩問題嘅話,都可以直接dm我哋, thank you!
38
留言 11
文章資訊
共 11 則留言
香港高等教育科技學院
支持 守護廣東話
國立臺中教育大學
有冇興趣嚟台中嘅🤣🤣🤣
實踐大學
我呢個香港人連廣東話拼音都唔識 有冇得遠距離學🥲 (人在高雄)
國立臺灣師範大學
身為香港人我都唔識廣東拼音
東吳大學
你出既Po轉返做中文好啲喎,有啲有既興趣既 但係對廣東詞彙唔了解既台灣人,好難明你講緊乜
國立政治大學
廣東話拼音真係冇學過
文藻外語大學
想請問高雄有冇咁嘅社團? 本身是想學廣東話ge高雄人,但喺高雄好似冇乜機會同埋地方可以學🥺
文藻外語大學
在高雄想參加🥲
國立交通大學
請問廣東話,圖內FUTU 美女 手持這兩句意思? 1. 埋嚟撲啦 ? (過來打一棒?) 2. 一撲爆升 ?