香港浸會大學

想去台灣讀書

3月30日 01:22
工作一段時間,覺得人生好似冇咩目標,考慮要不要去台灣讀碩士,一方面覺得自己條件不是很好(成績一般、經濟能力一般),另一方面覺得很害怕踏出comfort zone,大家有甚麼意見嗎?碩士會唔會好難申請,會唔會好難融入或者識朋友etc
1
留言 15
文章資訊
共 15 則留言
理工大學專上學院
碩士剛剛先放完榜,要報名就要等年底,再申請2023年入學了
國立臺灣大學
你係已經諗到想讀咩定係未?
香港專業教育學院
負擔到既話 去其他國家比較好。僑生留台政策唔係太friendly 而且長久生活落去既話 有好多民生問題係話困擾住你 而佢地人工唔高 但物價都唔係想像中咁平。 另外難唔難融入同識唔識到朋友真係睇個人,以我兩個朋友為例 一個就乜朋友都冇 一個就朋友多到爆。
文藻外語大學
其實你有香港8大degree 就搵工層面黎講一定好過有台灣master 除非你話要讀資工/電機/要考執照嘅系 或者只係想移民 咁就另當別論 但係跨科系申請台灣碩士 就算有相關工作經驗都愈黎愈難申請 尤其top嘅學校 如果你話人生冇目標所以先想讀master 我覺得就更加要考慮清楚 未來想要點嘅生活 台灣master一讀至少2~4年 你洗濕左個頭就返唔到轉頭
國立臺灣師範大學
過來人講俾你聽 台灣碩都唔係咁好過 文科快都要2.5年 正常都3-4年 真係考慮清楚先好繼續 唔係有心叫你打退堂鼓 純粹係我嘅經歷可以做下參考 到左master就無咩comfort zone可言 靠嘅係自己 由其是文科 因為日日陪你嘅唔係人 係一大堆書同paper 同埋有啲系上會叫你出到paper先俾你畢業 同埋見到你 應該都係跨考 其實都開始有小小難度 (利申:岩岩master畢業)
原 PO - 香港浸會大學
B5 其實自己都好擔心跨科自己係咪應付到同apply到,因為大學其實都偏商、社科,自己冇咩讀文科基礎,只係Dse中文算成績好。 咁你degree都係台灣?
國立臺灣師範大學
B6 大學degree係澳門 或者咁講啦 社科都算係偏文嘅 又未到完全脫離 放心 我係PA轉教育行政 係基礎野上面 真係要比其他人多花時間去睇書同睇paper 唔識就問多啲 唯有係咁 有啲學校會有規定話 如果你大學唔係修類同科目(例如:教育) 就要需要補修番一至兩科 我係早幾年申請嘅 唔敢同你講你下年apply係咪一定apply得上 因為情況唔同
國立中山大學
如果你讀完台灣master留台搵工,我都贊成,我身邊唔少台灣人讀完學再讀碩先搵工,但如果你之後返香港,台灣讀碩倒不如香港讀 不過如果你想體驗生活,都可以過嚟嘅 我係台灣讀咗4年,學到啲嘢、識到好多朋友、生活得幾開心。 利申我過嚟冇經濟壓力,每月港紙3k生活費
國立政治大學
就degree來說,我覺得台灣先係comfort zone。如果係香港讀會難好多。