實踐大學

HF169 入境半年後 健保篇

9月30日 16:28 (已編輯)
前情提要
終於嚟到台灣已經夠六個月,可以去申請返健保 🌟六個月係指,你入境台灣戈日開始計六個月🌟 之前我爬文睇到,有分享話係從換居留證正本開始計 本身我係3月7號入境,驚白行一趟,拖到換居留證日先至去 所以我今次去到健保署先知 原來係同入境日計起 我諗申請HF169既各位應該都係係澳門或香港申請 所以大家張紙本居留證,應該都係臺北辦事處幫你轉件去臺灣申請。(因為我係澳門申請,唔太肯定香港戈邊辦事處點做🙇🏻🙇🏻) 之後幫加保戈個工作人員印咗一張有我入境日嘅紙同我講,因為你核發張證既時候你未入境台灣,所以會從你入境日起計六個月, (如果你張居留證”入境後”先申請,就會從核發日計起) 結果白白浪費咗成個月健保費💸💸 (每個月要繳交健保費826蚊) ➡️今次要準備好 舊嘅健保卡 居留證 兩吋相一張 200台幣(或者唔需要) 直接搵最近自己的健保署
imgur
到左之後同佢講要辦加保,工作人員就會叫你提供居留證。 佢會喺系統度,即刻睇到你幾時入境, 🌟健保開始計的生效日就係你入境嗰日開始計六個月 ➡️你遲左去申請或者之後再去申請,佢都係會從你入境六個月後開始起收費,所以準時去申請最着數 😎 之後會叫你填三份表,寫下啲個人資料
imgur
其中呢一份表,呢個部份,係工作人員填寫
imgur
按照 正常 佢係會收你200蚊,同埋兩吋證件相、舊健保卡 但係有啲工作人員會好好😎 幫你用下面(免工本費申請,因為用舊居留證號XA/XB 要換成新款式居留證號碼,會幫你寫額外嘅備注 🌟所以需唔需要$200就要睇你個工作人員🌟 最後你就會得到一份,啱啱填寫表格的收據
imgur
係你未拎到健保卡之前憑呢一份收據,可以暫時當健保卡用 等健保卡整好之後會直接寄去你上面填寫的地址 你就可以,順便開通埋健保快易通 可以睇到你嘅疫苗資訊同埋 繳交健保費通知
imgur
~~~~~~~~~~~~~~~~~~~~~~~~~ 估唔到,可以寫到第三篇 如果快嘅第四篇應該係半年之後申請定居同埋換身份證篇 希望順順利利,可以寫埋第四篇😂😂 祝大家都順利😎
愛心
16
留言 27
文章資訊