澳門生來台就讀準備建議

淡江大學
已有新文:澳門生來台就讀準備建議(舊文更新重發)
而家依個時間點寫出嚟可能有點遲,我寫定先 以下係我係台灣讀左一段書所得出嘅建議,可能會同而家嘅情況有唔同。 ***請以你果時嘅法令規定同你嘅實際情況參考本文內容*** 來台灣前嘅準備: ***1. 請你一定要有澳門政府一戶通帳號,因為而家好多政府野係一定經或可以經一戶通個系統去申請,所以你一定要有一個一戶通帳號 ***2. 請你一定要方法可以即時係台灣收你澳門電話號碼收到嘅短信,因為你要收驗證碼之類。如果你係拎張電話卡過去,你一定要開海外漫遊,可以係台灣收到短信 3. 建議申請定良民證(刑事記錄證明書),因為只前台灣成年係20歲,申請居留證個時移民署係20歲成年要交「文書驗證」過嘅良民證,今年台灣改成18歲成年,我唔知移民署改規定,我建議申請定。***已經20歲果D一定要申請良民證,申請良民證嘅建議原因:外地就學、申請台灣居留證 。第一次申請一定要係身份證明局申請,第二次通常可以係一戶通申請,良民證有效期三個月 4. 有一個澳門銀行戶口(我相信大家已經有一個或以上嘅個人戶口)如果你係用澳門銀行卡係台灣ATM按生活費嘅方法,請唔該你係澳門一定要開定海外提款,限額最大,限時係卡到期日,海外消費建議開埋 同埋澳門銀行卡係台灣ATM存唔到錢入澳門戶口 唔該 ***5. 請你一定要帶你高一二三嘅成績表同你嘅高中畢業證書正本 正本 「正本」—— ,唔好好似我一個學妹,帶一組乜公證都冇複印件埋台灣,問佢正本有冇帶,冇,嚇到我死,請一定要帶你嘅正本成績表同畢業證書,只帶有公證或「文書驗證」嘅影印件我都冇咁嬲 6.「文書驗證」:佢等於台灣政府幫你份文件做公證,你要去澳門嘅台北經濟文化辦事處申請,每份手續費150左右,你嘅良民證係台灣用一定要做,成績表畢業證書建議做定 7,建議你帶定10張左右嘅2吋近照白底大頭照,叫影照師傅幫你搞2吋照大小同原始大小嘅電子檔,好多地方會用到,入台證、居留證、健保卡、學生證等等等 8. 請確認你係台灣讀書嘅身份,如果你有其他護照(指葡國護照 BN(O) 台灣護照之類)請確定之前有冇用個依D護照入境台灣,如果有請你問下你就讀嘅學校會唔會對你嘅就讀有冇影響,因為聽人講用錯係會取消你嘅居留資格之類 9. 如果你係非澳門本地出世,請你確定一下你嘅出生地城市英文係乜,因為台灣開銀行帳戶係要填一份CRS,你係係澳門出世,你出生地自然填「Macao」,如果你係係大陸出生,請你確定下你幾時 係乜原因落呢澳門嘅(依親?),如果你唔確定建議你問下身份證明局,搞你台灣居留證要用,帶埋回鄉證去台灣 好似會用到 10. 入台證件:如果你係用外國護照入台,你要去澳門台北經濟文化辦事處搞簽證。如果你係台灣護照入台,請你確定下你本護照資料頁有冇你台灣身分證號碼,如果有,你係直接用台灣護照入台,如果冇,你要申請入台證。如果你係用特區護照入台,你要申請入台證,好似係上網申請交資料同俾錢,網站好似只收Mastercard同visa卡 ,如果你冇,你可以問有冇人可以幫你俾,或自己去大西洋銀行申請Mastercard debit卡或華僑銀行(澳門)申請張Visa嘅debit卡 。如果你入台證批左收到入台證電子檔,請你彩色打印幾件,怕你唔睇或找唔到 11. 機票:建議你問你學校幾時飛會好D。用錄取通知書去一D旅行社問下,可能有學生機票買 12. 印章:建議搞定一個手動印章帶去台灣,可以上淘寶訂做,款式多D 到台灣後:……
Like
6
11 comments