台灣駕照換香港流程

文筆唔好 睇得辛苦嘅話抱歉🙏🏻 首先要準備 -三個月內住址證明 -護照 -成績表 -居留證 -學生證 -身份證 -出入境記錄(台灣申請嘅都可以 -台灣駕照 -畢業證書 以上嘅都要正副本 然後就係申請表 *出入境記錄唔一定要最近申請嘅 只要係駕照日期後申請嘅就可以 e.g 2021/9月考到駕照 2021/10月申請出入境記錄 ⭕️ 冇預約嘅真係要提早去排 帶埋櫈仔去會舒服啲 如果唔係就要企足兩個鐘:) 一入到去排A隊(免試簽證)嗰時傻更更跟住前面嗰個 就排錯隊😅 排嘅途中如果想去補印嘢/去詢問處可以同保安講聲 佢會同你前後嘅人講一聲你要離開一下 一陣會返嚟 咁就算你人行開咗但至少返嚟唔洗重排 想要換兩個牌 而兩個個號碼都唔同就要填兩個表 資料都要兩份 我曾經有換過居留證號碼 而我兩個駕照嘅號碼亦唔同 佢會要求比埋舊居留證副本佢 就算依家嗰張背面有舊號碼佢都唔會收貨 換一個牌定兩個牌都係收$900 建議係台灣考曬兩個牌先返嚟換 成績表嘅日期要銜接到駕照日期前後6個月 (個人建議最好係大四下前考駕照 我離開台灣嗰時仲未攞得畢業證書 就諗住在學證明應該都得 點知個職員話唔收貨 一定要成績表 可以到拎車牌再補交 申請完等一個禮拜就可以返去攞車牌 但要補交嘢嘅話就要再等一個鐘 比完錢就攞得車牌啦🥹
Like
16
6 comments