2020年迫住嚟台灣，讀自己唔鍾意嘅系，仲要係山旮旯地方上堂，經過咗三年幾，就快畢業，又到諗下一步嘅時候。 比起三年前，人嘅狀態差咗好多，確診武漢肺炎兩次，血氧長期偏低；又試過關節痛CRP發炎指數去到13.22(正常值係低於5)，最嚴重係今年開始有重度憂鬱症(F333)。 之前開問卷都自爆咗係讀高科大人資系，但讀得唔係太努力，班排長期喺8成度，成績算係普通，唯一叫做自豪嘅係份FYP有90%會係我獨力完成，題目：薪酬滿意度、工作壓力對於留台意願之研究-以特殊時代港生為對象討論，算係同我個興趣--政治格硬有啲關係。 開始喺度諗，我應該直接去搵工，填補我失去嘅四年同首期；定係試下僑推，推上政治所，將目標放喺政正山政治所上面，會唔會太好高騖遠？我有無能力用比較政治嘅方法去寫：失落的民主：楊慕琦計劃與彭定康新九組？ 直接搵工，高科大個競爭力唔算好大，仲要係台灣公司普遍唔重視嘅人資範疇，以前喺香港做sales嘅工作經驗又唔太有用，要成功HF171好似機會好渺茫...