HF169申請定居part 2

幫Ana姐出埋個PART 2 接住PART 1,當你確定收到移民署電話(或信)叫你交回居留證正本, 你就可以去買定支香檳慶祝啦~~ 交左居留證之後,約一個星期就會收到定居證啦 定居證會用你之前第一次交件戈個掛號信封寄比你 除左一張定居證外,仲會有一張「統一證號基資表」同一封叫你去設籍GE信,就可以去戶政事務所玩大地遊戲 程序如下: 1. 初設戶籍,先發給你一張戶口名簿,同時可申請戶籍謄本 (戶口名簿只有一份,戶籍謄本可以無限申請,因本人要更改醫事人員證書及國考證書上的資料,所以我申請了四份,全部用完,戶籍謄本只有三個月有限期,所以都唔洗申請咁多) 2. 有戶口名簿後,就會發身分證給你,會問你一些設籍資料(如問你是否長子/次女等等,會印係戶口名簿上) 》》記得帶設籍權狀/租約,相片2張 3. 可以當場更換健保卡,因為舊健保卡已不可再使用,掛號約等五天。但如果急用的話其實係公司轉左保之後直接去健保署換,即時可以攞唔洗等 4. 都OK就可以當場搞埋護照,護照的相片規格很高,建議在外面的照相館拍照,我當時自備的相片被打回頭結果要即刻去附近照相館影(貴= =) 護照要$1400,寄到家郵費到付,大概要三星期 》》如果要用自己的英文名,必須要有文件佐證(如出示港澳護照),而且可以加一個自己用開GE別名 5. 同時記得開一個「自然人憑證」,因為呢個太太太重要,如果你要用網絡辦理/申請一啲文件基本上都會用到,可以話係「網絡世界的身分證」,$250 基本上去到呢到就已經搞你兩個鐘,亦大功告成!!~ (就係咁簡單,但成個戶政事務所比你反轉咁制) 順便恭喜你正式成為中華民國國民 (除左呢啲仲要自己去搞銀行、電話、監理……事項,這裡不詳述了) PS: 桃園市市民可以去區公所搞埋張市民卡, 搭車有折
sticker
但但~~如果你係男仔且under 36歲,就要諗下兵役問題.….. 如果你乜都唔申請,你就會係一年後GE今日收到體檢兵單,係呢一年入面你會多左一個身份叫「役男」,役男係唔可以隨便出入國的,每次出境都要上網申請且限定4個月內要返回台灣,如果唔係係犯法,會坐監的(妨害兵役治罪條例) 當然,你都可以選擇唔等呢一年,即刻當兵,咁GE話你就要行去『區(鄉鎮)公所』【唔係戶政事務所】GE兵役科到申請提早接受徵兵,簽左切結書之後,大概三星期內你GE里幹事就會打比你同埋上門派體檢單比你,之後的當兵之旅就因人而異啦~ (因為我免役所以我都唔知後面會點哈哈) 打完, 有咩可以問, 但唔一定識答
Like
13
8 comments