HF169定居申請流程（2026）

高雄醫學大學

係經歷移比民署呀姨各種話術打沉、會增設港澳長期居留新聞傳出，加上交完定居申請忐忑不安嘅漫長等待之後媽咪！我終於得左啦！！！！😭😭😭😭😭😭 收到移民署電話要返去交居留證歌陣一度以為係詐騙電話😂 簡單分享下由居留到申請定居timeline: - 2024/12底抵台 - 2026/01/07 交定居申請 - 2026/02/25 打去移民署問進度，得知要補件 - 2026/03/16 補件 - 2026/03/30 收到申請成功電話 - 2026/04/03 去移民署交居留證 - 2026/04/20 成功拎到移民署發出掛號中間因為有一堆連假拖進度，由申請定居到審批成功大概3個月左右，算係預期之內，以為補完件又要等個幾月或者要補第二次，冇諗過幸福黎得如此快😁 審批準則迷思： • 有好多人都同時有香港+澳門身份證，如果當初用香港證黎讀書，但係畢業後係澳門做野，咁算唔算係”回僑居地工作”呢？相關部門表示呢個情況要再了解，但盡量唔好 • 居留期間一定要返工呢條潛規則大家都知，不過份工唔一定要同以前讀/做嘅專業對口，個人認為只要寫定居規劃哥陣可以將佢地link到就得（由得你吹嘅姐） • 有前輩話人工要係最底工資1.5-2倍，金字塔底層嘅本社畜人工只係比最低高小小，所以呢條目前不成立 • 遞表時要已工作至少六個月係基本，美曰其名“要知道你在台灣能營生”，如果因為某啲原因目前無法工作，要寫一份營生計劃，說明你未來到底會點做，比如：懷孕中既生完仔之後幾耐會出黎做野/先生養你（出示足夠資產證明） ⁕ 營生計劃：你現在經濟收入來源，未來收入來源，未來生涯規劃，可以附財力證明助證 • 就HF169而言，係唔會家訪，而一般只要提供到在職證明都唔會工作訪，除非佢地覺得有問題定居規劃除左寫未來記得要寫埋過去，我主要補件就係補返黎台灣讀書到申請定居前嘅自傳，個人覺得唔駛太多，我加埋大概寫1000字左右 • 好多申請工作證報嘅職稱同實際職稱都會有出入，所以填form歌陣職稱最好寫返你申請工作證哥陣用嘅職稱哦，公司嘅在職證明都係 • 如果移民署同你講要加監（觀察期），你中間遞咩都冇用，佢只會幫你將資料保留，要時間到先會幫你重新審核申請定居準備資料： • 要居留夠只定日數先好去，只多別少 • 之前申請居留哥陣填嘅一堆form，詳情可以參考前文（居留證篇），如果已婚再加一份婚姻狀況說明書 • 居留證、身份證、護照正副本 • 設籍地址（戶長同意書-要簽名+印章, id copy，設籍地址最近一期完稅證明，或者其他，可以參考返官網） ‣ 有問負責我個case嘅專員，佢話定居申請上面填嘅設籍地同最終整身份證嘅設籍地係可以唔一樣的，實驗亦證明係work，但我交表填既同最終設籍地係同一個縣/市，唔知有冇關係 ‣ 如果最後設籍地同當初寫既唔同，原本寫歌個設籍地所屬戶政所會打電話揾你，同佢講返就得 • 在職證明（要大小章）、糧單，勞動部工作許可函正副本 • 勞動部申請勞保證明（即刻有得拎） • 因為我拎到居留證之後有離開台灣超過3個月，所以要3個月內體檢（移民署有一個醫院list，最好揀返佢入面有嘅去，去之前建議打電話問下駛唔駛預約）+澳門無犯罪紀錄（一戶通申請一個工作天，再預約台灣辦驗證） • 定居規劃（由黎台灣讀書-返澳工作-回台工作-未來計劃） • 證件相（2吋大頭） • 掛號回郵信封（如果冇準備可以即場買，印象中係$24） • 申請費600大洋我係係高雄移民署第一服務站遞申請，交歌陣佢話冇得臨櫃領，只可以寄掛號，網上見到 “已結案”，最快第二個工作日係台北寄出，就可以開始準備好換證既野啦~ 掛號信內容： • 移民署寄既掛號入面有一張通知書函（這不重要） • 一張好似申請居留歌陣收到既紙”入出境許可證”（這很重要！下稱定居紙） • 如果有經歷過居留證係”X”開頭的話，應該仲會有一張”統一證號基資表” 緊接要做既就係三十日內拎定居紙去戶政所搞身分證，然而，呢個只係開始…唔好以為換完身份證就一天光曬，所有用居留證搞既野全部都要更新資料，比如每日都會用到既第三方支付（咁大件事點解有聽人講過TT）以下係我收到定居紙後跑過既關卡，供大家參考： • 身分證 ‣ 定居紙 ‣ 設籍文件(依照你要點設參考戶政所要帶咩資料，我係寄居，當時我係同設籍地戶長一齊去戶政所） ‣ 2吋大頭相*2 （一定要明顯露耳!! 如果係用同定居申請同一輯相，就算交定居申請歌陣有收都唔代表相係合格，戶政署職員話移民署收件歌陣唔會CHECK相合唔合格） ‣ 製證費$50 ‣ 換領戶口名簿$30（for戶長）平日下午去，等左一陣就輪到我，成個過程大概1hr，會問你係屋企兄弟姊妹排行 • 戶籍騰本 ‣ 身分證 ‣ $15/份（紙本） ‣ 任一戶政所都可申請，即拎，有效期三個用 **記得要申請冇「記事省略」版本，咁先會顯示你原居留證資料，唔係張野等於冇用整身分證歌陣佢會問你要唔要整埋，睇需要啦，如果有國家證照﹑銀行戶口﹑電訊合約等要更新資料係要用到的，不過有啲只會驗證正本再借去印一份留底，唔一定會收走，而整健保卡/護照呢啲公家機關內部來就有資料，所以唔需要（我歌陣就係比戶政所職員水左，整左好幾張結果冇用@@) • 健保卡 ‣ 2吋大頭相*1（係健保署搞亦可用電子檔） ‣ 身份證正本 ‣ 換證費$200 換健保卡途徑有好多種，最簡單係整身份證歌陣直接請佢幫手通報申請埋，製證好（約一星期）直接寄掛號比你，然後會比一張收據你，新證到之前去睇醫生出示收據即可因為需要整合資料，所以就算直接去健保署都冇辨法即場製證:) • 護照 ‣ 2吋大頭相*2 （線上預約去外交部申辦的話可以電子檔1+實體相*1） ‣ 身份證正+副本 ‣ 特區護照（台灣護照外文名會默認用國語譯音，如果想用返自己本來外文名就要拎埋港/澳特區護照佐證） ‣ 申請費用$1300 初辦護照可以由戶政所代辦（搞身份證歌陣直接搞埋），再拎收據去繳費，需時約14工作天，可以選擇去戶政所自取/寄掛號（好似$130/本），任一戶政所都可以代辦，唔一定要設籍地歌間亦可直接去外交部臨櫃，需時10工作天，不過聽講去外交部要排好耐隊，而且係搞同拎都要排好耐隊又或者可以網上預約填資料再去外交部，會比較快，不過網上預約要有身份證先預約到，同埋都係要去兩轉移民署，所以其實同戶政所代辦時間差別不大 • 駕照 ‣ 一吋露耳半身相*2 ‣ 身分證 ‣ 舊駕照 ‣ $200 如果目前唔係住係設籍地，建議順便改埋通訊地址，都係係監理所但唔同櫃檯 • 行動自然人憑證 ‣ 身分證 ‣ $30 ‣ 任一戶政所都可申請，即有自然人憑證有分實體卡/綁行動裝置，整唔整視乎需要我本住來都來了嘅心態順便整埋，不過行動版如果換手機就要重新整過，同埋好似每年都要手動續期，但係又有小小方便，比如隨時隨地都可以整電子版戶籍騰本（不過唔係度度都收） • 退稅 ‣ 紙本戶籍騰本 ‣ 身分證 ‣ 任一國稅局申請 ‣ 銀行存摺稅係以年計(姐係2026/05交2025/01-12稅)，所以如果身份證係係上年中間或者今年換的話，又如果有做緊野公司有係人工入面幫你預扣稅而你其實計完條數係唔駛交稅，咁5月歌陣就要去國稅局申請退稅比較大間既國稅局一般會劃一區專for外僑退稅，去到同佢講返你情況，佢會教/幫你填一份好大既form，再拎去國人退稅歌邊做後面流程（我係咁），如細間啲冇分流既應該直接抽號就可以，申請好10月先會退稅以我為例，因為我係2026/04拎證，所以2025年度身份係外僑，2026/01-04身份都係外僑，所以以上流程我今年同下年5月都要走一次正常黎講係可以網上報稅，但因為有轉換身份所以系統唔會自動導入到資料，等於全部野要自己填，情況複雜建議直接去國稅局揾專人幫手搞 • 銀行戶口 ‣ 身分證 ‣ 健保卡 ‣ 戶籍騰本 ‣ 澳門/香港護照每間銀行需要既資料都唔同，最好問返銀行，有啲銀行可能可以網上搞？不過因為冇咩人講過關於呢方面網上又冇咩參考資料，所以我都係預約臨櫃搞，同埋要注意返因為改左證號網上銀行AC可能都要重新註冊過，最好整歌陣問埋 • 第三方支付（LINE PAY、街口支付…） ‣ 身分證 ‣ 健保卡 ‣ 戶籍騰本因為所有支付都係綁證號，然後入面綁既卡/銀行戶口又必須係本人嘅，係未UPDATE銀行資料之前可能仲用到，但UPDATE左之後就完全用唔到，只可以用APP入面本來有既餘額都係歌句因為冇咩人有呢個問題所以基本上只可以EMAIL/打電話比客服，再跟指示做，一般最少要等一星期左右（前提係你要不停打比客服追進度，唔好佛系） • 手機門號 ‣ 身分證 ‣ 健保卡 ‣ 戶籍騰本同門號過戶差唔多，不過係自己過比自己以上資訊純粹個人經驗，每個人情況都唔同，都係歌句 “只供參考” 最後，多謝睇到最後既你！身邊朋友聽到我申請到定居都驚訝我咁快就得，但係箇中辛酸真係得自己知，只可以話得來全都是功夫呀😩，希望申請緊/準備申請定居既你，都可以順利上岸😌（上到岸又係另一個難關既開始啦🙈）小感想：一諗到終於唔駛再聽到“你找個台灣人嫁一嫁就好” “為甚麼要來台灣？港澳工資那麼高” 之類白目問題就開心！唔好意思，老娘自己有能力，唔需要靠男人！之前亦有寫過一篇關於居留申請流程，有興趣可以呢邊睇：

僑生交流板

高雄醫學大學25/3/17

HF169居留證申請流程（澳門）

當初申請居留證嘅時候發現網上面好多文都係係香港搞，所以諗住成功申請一定要寫返篇！點知拖拖下就拖左年幾🙈（講緊個證係2023年年底搞😂），雖然有啲耐，不過都希望可以幫到大家～--------以下內容純屬

❝ 引用的文章