發下放負文...
話說呢排大家都應該開始做project
我遇過都有唔少嘅groupmates
所以想係到講下小妹自己唔開心嘅事
1. 懶惰嘅1號組員
1號組員暫時返緊2份工，佢應該好需要錢買自己鐘意嘅野，並非為生計之用。要佢做好簡單嘅野佢都可以需要兩日先做到，但打出嚟嘅貨又唔合格(hea)ヾ(*´∀｀*)ﾉ 每次做野要搵佢時又潛水，但後尾我朋友向我講佢係到煲緊劇，或者出左街玩。
自己又唔係話阻止佢返工同玩，但次次都係deadline fighter但又做得唔好，叫佢改又要等幾個鐘，真係唔太想同佢一組，但係組又分左。
2. 好懷疑佢點解可以讀到書嘅組員
每次做出嚟嘅野已經教埋佢但都可以做錯，重覆呢個步驟幾次後我地組都放棄教佢。佢自己都有返工，成日都以返工為主，唔理group project。題外話，佢成績應該係最差個個。好彩今個Sem佢去左其他組。
總結：小妹我唔係阻止佢地返工(‘A`) 但係唔該真係表現返重視呢個project，到頭嚟都係我地幾位好心嘅groupmates幫佢地執，但係分就算佢地低啲都好，我都係覺得唔公平。佢地心態上都唔會有急、緊張嘅情緒存在過，又唔洗諗project嘅idea，做野好少，永遠又人緊張過佢地幫佢地執，我都想咁樣(┳Д┳) 之前已經有同佢地講過佢地邊啲位要改善一下，個個只係口頭上話會改，最後都冇改到
希望大家係group project上都遇好隊友
過3爆4！！●ω●
