嶺南大學

想知大家對大住個肚翻學有咩睇法🤰

3月27日 14:13
是咁的小妹有咗四個月🤰 小見肚 但係而家有啲堂都仲係zoom緊 好驚有一日突然間可以Face To Face 都唔知大住個肚返學點算 不過其實我已經結咗婚 好多同學都知道 但係唔小心有咗 原先冇諗住咁早生 後尾就唔小心有咗都冇計 其實係諗住生落嚟 都冇諗住落咗佢 但係就想睇吓大家對大肚返學有咩睇法 目前為止着住啲鬆身衫其實都OK嘅 都唔係話好見肚 但你知夏天㗎啦 着少好多衫 就會好見肚 😣 想上嚟收集下大家嘅意見 見到你個同學大咗同唔會好surprise😂
922
回應 117
文章資訊
Logo
每天有 8 則貼文
共 117 則留言
香港城市大學
我會係第一下surprise 但之後無咩野😂 咁始終我覺得第一下見到點都一定會有啲surprise嘅 不過唔好諗咁多啦,反正依啲又控制唔到嘅,f2f嘅時候都係要照去上堂,所以我覺得反而係試下自己睇開啲,調整心態 況且你又係名正言順結埋婚,其實諗深一層都無咩野丫
悉尼大學
老實講一定會有人望 去到邊都有視線打量你🙈但9月開學個時你應該生左啦?
香港大學附屬學院
我自己係gap year 我係就生嗰陣申請gap year 抖一年 調理好身體 照顧小朋友 但好老實咁講 當生左之後你未必會想繼續讀 因為會有牽掛同埋會想安於現狀 會寧願陪佢
香港城市大學專上學院
如果我係campus見到個大肚嘅女仔 我唔會覺得係咩, 如果遇着啲人覺得有問題 係到討論嘅話 咁係佢哋思想守舊啫😌 如果係我識嘅同學有咗 佢番學我會想照顧佢添😂 唔需要咁在意人視線呀,最緊要心境開朗麻~
原 PO - 嶺南大學
B1 B2 B3 B4 好多謝你地阿 因為我有啲擔心sem尾疫情好啲要番去考試~
悉尼大學
B5 以我所知lingu 好似出左考試安排 咩科要唔要去學校考係有寫明 考試就更加唔洗怕 考完就閃~
香港大學附屬學院
B5 加油樓主 其實香港有好多年輕媽媽 同你情況差唔多 所以唔使太擔心 我嗰陣可能因為我啲同學同我好frd所以都冇乜特別☺️
香港城市大學
咁後生就生到bb好羨慕🥲 第時你同你個仔/女出街 啲人可能覺得係姐弟或者姐妹
香港大學附屬學院
B8 如果個個好似你咁諗就好
香港大學
我覺得既然好多同學知道你都結左婚,有左真心唔出奇,反而平時如果明明無男朋友突然見有左就真心我會覺得好驚嚇😂😂
香港伍倫貢學院
我覺得如果你本身唔介意啲人點睇嘅話啲人點講你都冇影響,係咪啲人叫你唔好讀就真係即刻走去唔讀? 我唔識講啲鼓勵說話,我只能夠話照顧bb真係唔容易,真係要生bb嘅話不如問下前人嘅經驗,聽下佢哋嘅心得。而且呢一刻休學其實唔係大問題,真係想完成個學位嘅話可以等bb大個啲再繼續都得,大學嘅好處就係唔似得中小學咁係義務教育,大學想停就停,唔一定要準時畢業先得,始終bb都要人照顧,唔係話生咗就塞俾啲親戚湊自己掛住讀書or做嘢,記住要對bb負責任,我覺得生bb未必完全係負責任,養育佢成人先係最大責任,唔係話生咗個bb就可以鬆懈,亦都唔好因為覺得照顧佢麻煩而唔要或者虐待佢(我諗你應該有睇嗰個5歲妹妹被虐待致死嗰個案例,唔希望呢個世界會多一單呢啲事件),要明白佢出咗世之後你自由度會大大減少,要付出嘅心力、時間都唔少,教佢係一件唔容易嘅事。同時最好有家庭backup,始終新手無論金錢定係其他方面都需要家庭支持,攪唔掂嘅時候記得尋求其他人協助 最後做決定前要諗清楚,之後要顧慮嘅人同事唔只自己,仲會影響到bb嘅將來,做決定嘅時候壓力可能好大,但係當你成功經歷過呢段時間之後就會養育到一個好嘅小朋友,呢個感覺就會好似打爆機一樣有成功同滿足感 Sorry for too long & 1999
香港理工大學
受人眼光就走唔甩架啦,不過我覺得正常人都係最多gup兩眼就算,畢竟大學生已經係成年人,雖然呢個時候生仔係早咗啲,但都唔算係太大問題,大部分人應該會理解。
香港理工大學
可能第一眼驚訝,不過只係因為少見。大家都大學生成年人,應該唔會咁都好笑既(?
中國醫藥大學
有左咪有左囉 有乜問題?
匿名
這則留言已被刪除
這則留言已被用戶檢舉含「包含色情、露點、性騷擾或血腥恐怖等讓人不舒服之內容」的內容。
東華學院 護理學健康科學
唔出奇
香港教育大學 幼兒教育學系
又唔係未結婚😂
香港浸會大學
B8 我都好羨慕,我呀媽都好早生我,而家唔會有咁大代溝。有仔襯嫩生,不過前提係要有錢🤣
香港城市大學專上學院
唔洗太介意人地眼光架,相信就算望都係好奇望一兩眼,加油!
匿名
這則留言已被刪除
這則留言已被用戶檢舉含「包含色情、露點、性騷擾或血腥恐怖等讓人不舒服之內容」的內容。
香港城市大學
我之前都有同學大左肚,但係我地成班都冇乜野 淨係好想摸佢個肚同期待個bb出世🤣
國立政治大學
大學正常都有 master 生 我望到可能只會覺得你係 master 嘅同學 覺得冇乜嘢 不過你有冇做過計劃 你生完 有冇人幫手照顧? 你要返學返工 咁個小朋友點算? 你同你另一半有冇足夠嘅金錢去養? 如果冇 咁個小朋友都幾慘
中國醫藥大學
B20
中國醫藥大學
B15
香港都會大學
想摸
香港城市大學
以前我個系都有個大肚婆~
香港中文大學
其實真係冇咩,生咗應該好多fd 想你拎 BB 返去畀佢地玩添 🤣
香港大學
您要搵下學校有冇d育兒設施先😂
香港理工大學
係喎 check下學校設施齊唔齊全tim啊 g持
題外問,你係有左先結婚?
東華學院
結埋婚有咩問題
匿名
這則留言已被刪除
這則留言已被用戶檢舉含「色情露點、性行為或血腥恐怖等讓人不舒服之內容」的內容。
匿名
這則留言已被刪除
這則留言已被用戶檢舉含「色情露點、性行為或血腥恐怖等讓人不舒服之內容」的內容。
香港理工大學
當自己係進修個啲大人
南澳大學
好似一般香港嘅大學都無相關配套?
中國醫藥大學
你好偉大
東吳大學
有左係開心事🥳恭喜你呀 唔好太介意其他人既眼光
香港理工大學
入到u都成年,有啲人結左婚早啲生都唔出奇。 實會有啲驚訝咁望多眼,始終少見,但係唔係因為負面嘅諗法🤣
香港中文大學
恭喜晒你☺️
香港中文大學
啲人口臭到呢...就係想避開啲連登思想先玩Dcard
明愛專上學院
其實都係第一下驚訝😂之後冇乜野,唔好擔心會有人講,開心野嚟既
香港樹仁大學
想知樓主幾多歲啊! 幾歲結婚㗎? 恭喜啊!!
香港中文大學
本身好有錢?咁都生?咁後生都未夠成熟點做人老母
香港中文大學
坦白講 第一次見到嘅時候唔多唔少都會有啲surprise 之後就會覺得無乜野 但可能會無咁願意同你一齊做pj 始終會有顧慮 例如唔知你要照顧bb得唔得閒傾/做pj嗰啲
香港浸會大學
會驚訝 唔會太大反應 畢竟幾多歲同咩人都可以讀書
香港演藝學院 電影電視藝術
我有個fd又係同你一樣 仲要生咗添😂我嚇親
輔仁大學
我睇過有帶bb返學,教授幫手湊b😂外國大學
香港專上學院
我會望,但只係覺得有啲新奇咁解,唔會對你有咩負面想法,不論你結咗婚定未結婚
國立暨南國際大學 社會政策與社會工作學系
利申咗先:非藍頭&手機排版~ 就算卡友留言話唔介意都好 始終唔係同校/同學 同意樓上有人講休學 如果原po嘅生心理負擔得到話當然可以返學返到直至預產期左右啦~ 不如孕期好易有情緒問題 體力亦會越嚟越消耗大 第一胎通常比較緊張同好多嘢要準備 所以反而諗多啲自己 同問下另一半、屋企人有咩建議 btw恭喜哂原po~~~🥳 ---------故事分享---------- 當年我(大四)個原住民室友A(大一)十一月中左右話驗到有咗(本身經期唔準,軍人男友比佢大幾年,有計劃結婚) 我同原住民室友B仲話佢做乜咁大意仲去上運動堂又游水又盛(後尾冷靜完醒起適當嘅運動其實對個胎都係好🤣) 最後佢同屋企人商量完決定休學返部落安胎 而加個女都讀小學lu~
香港大學附屬學院
我會祝你生個肥肥白白嘅BB🤤😆