魚仁生係咪真係咁不堪?
香港恒生大學
我自己作為一個small potato,下文僅為我個人意見,你反對就係你啱!
雖然我未讀過MU同樹大,不過我認為都差唔多~ 網上成日見人串魚仁生有幾廢,香港真三大之類嘅諷刺說話,其實我想講:你哋係啱㗎!禾含部分同學廢到呢,又柒又Kam🙄 學校scholarship少,exchange partner school 大部分都係香港IVE水平,而且campus 又細🤬
不過係咪真係得呢啲?咁又唔係喎,從另一角度嚟睇,學校細轉堂方便,而且campus 綠化做得好好,建築又新,上堂好舒適
除此之外,啲lecturer, prof後生又好人,成日聽三大嘅朋友講佢哋一落堂就無機會搵prof,但禾含老師好人到你可以落堂搵佢吹水,ig 同佢互Po story互動,WhatsApp 去問佢功課,而且個人親身經歷,唔開心時半夜1,2點prof主動以過來人身份同你談心,亦師亦友~ 之前我有一科唔明,落堂後瘋狂追問個lecturer,佢雖然少少嬲教極我都唔明😬(我蠢),但佢都花多幾個鐘時間,教到我明為止🥰 最重要係咩?只要你敢send份CV去,大部分即使無教過你無見過你嘅lecturer, prof都願意幫你寫reference letter
加上,由於學校多Kam人,只係想hea同玩,所以無論係國際比賽,exchange,summer exchange, 義工,intern,各種國際大型活動同courses 基本上你只要肯報,就一定有機會去到,以本人為例,我喺一年內報左4,5個義工,3個overseas 其他世界知名大學嘅短期courses,1次exchange,上莊,intern…… 而學校入面亦提供好多免費course,請好多教練免費唔同運動,所以其實我自問成績無爆4但已經有一個好豐富嘅U Life
對於認受性方面,我自己返過2份intern,無一例外都係大部分細公司認為IVE學生最好,因為佢哋教實事,而非理論,而禾含都唔錯,反而成日聽人批評八大某幾間嘅學生(無針對任何人,只係轉述),因為佢哋鐘意有經驗嘅學生,而非名校生。當然啦,大公司都係prefer 八大係事實,不過恒大最近世界排名每年爬升,希望在明天吖
所以希望大家唔好自我放棄,我一直堅持一個信念,我唔係要從學校攞啲乜,而係學校俾到我嘅嘢我有無方法消化左佢之後,再回饋返學校