香港恒生大學

真心推介恒大必做10件事

2020年10月28日 17:19
當年知道自己會讀恒管 就係咁上網搵相關資料 以前HSU Secret仲係hsmc secret 既時侯 入邊有一篇十大必做嘅事 篇文都五年之前而家推翻出嚟同大家分享吓 有啲我覺得過咗時 所以揀咗自己改嘅野落去! 1. A build 2/F book房同成班朋友睇鬼片(最好睇blu-ray) 唔睇唔知原來咁爽 好似包左間戲院 同成班朋友食住花生 勁噪咁睇 完全忘記恐懼 甚至舒服到訓著......... 2. 爆間課室溫書 你一定成日接libra覺得已經好爽呢? 係咪覺得individual room都已經好爽? 仲有更爽既方法 就係搵個無人上堂既班房 入去自己/同朋友溫 溫到悶可以開projector睇下runningman 再專心溫書 無人會搞到你 你要朗讀都無問題 3. 同mcan姐姐打好關係 當年我仲讀緊嘅時候 同姐姐真係勁friend 所以食兩餸飯會自動變三餸飯 食常餐唔使諗要揀腸仔奄列 定係火腿奄列 因為姐姐會自動整腸仔火腿奄列俾我 有一年嘅承辦商係冇買小食 一係就食飯一係就食意粉 有時淨係想食少少野都冇 之後我求姐姐買魚蛋燒賣 佢真係有求必應 兩三日後就有燒賣魚蛋食😂 4. 揀廁所爆石 學校真係好多廁所 所以我想係到推介一個爆石好地點 : N build 連接 M Build 果條路 有個廁所 真係非常無人 非常乾淨 非常通風 好岩爆石 5. 經過Pool side 係Pool side報下名 呢個為恒管學會核心點 成日話無u-life 無朋友 其實識朋友,U-life都係自己揀 每個學會各有特式 揀一個真係想玩 識班志同道合既朋友 其實唔難 JOINT-U活動都好多 你有無留意? 6. HSMC 夜景 唔敢話呢到係最靚最新既院校 但呢到既夜晚加埋地燈 人少少 邊行邊欣賞 雖然呢到好細 但其實幾浪漫 7. 野餐 你可能好9 係到野餐 個個係咁望 其實望你都係羨慕你 恒管D草皮真係好舒服........... 推介: A build 2/F, R/F 8. 善用天地堂時間 我地係大老山口 去鑽石山好快 食個飯 睇戲唱K 再返來上堂絕對夠時間 再唔係坐小巴落去沙田富豪 唱K 都好快好快 行都行到 再唔係去沙田食個貴飯 行下街都仲夠時間返學校..(或者開心到走左堂) 9. 用盡學校資源 付出咁貴學費 用下學校D野啦! Trading room, translate 房, journal 房, radio centre( 其實我都唔係好熟) 離開以後 沒有免費設備可以再任你亂按 10. 認真POST 記得做齊IT TEST, ECA, COMMUNITY SERVICE..............如果唔係你畢唔到業 仲有好多大學五件事就唔講啦! 雖然而家唔係成日有得返學校上堂 遲啲開放返大家可以試吓做齊以上嘅嘢 🎉 講咗咁多大家應該都聽得出我已經畢咗業 其實真係好掛住恒管嘅生活 雖然啲人係寸嘴啲 但其實讀呢間學校真係好幸福😢
19
回應 6
文章資訊
共 6 則回應
睇嚟樓主真係讀得好開心 😂
爆石嘅話可以試吓去 d build 比較高嘅樓層 又正又冇人
原 PO - 香港恒生大學
B1 係😂 依家做社畜好痛苦
原 PO - 香港恒生大學
B2 有去過! 但係驚撞到學校啲高層 去過一次冇再去luu
Year2表示 點解咁多時間做到咁多嘢😪 淨係要應付group project已經冇乜時間
香港恒生大學
見到睇running man,fans表示好感動