#面試心得 唔該呃人請帶腦
Anonymous
唔該唔識呃人唔好衝出嚟柒
是咁的 小妹前排係求職app到apply咗好多工 咩工種都有 跟住前幾日有條友突然打電話問我係咪apply咗呢份工 大佬我apply咗咁多份鬼知你係邊間公司 我問佢係邊間 佢係咁兜圈同我講佢哋間嘢要我做咩 佢地話係同醫療界同教育界有合作 約咗時間interview 最後補咗句唔知話咩因為同八大有合作關係 如果唔黎in 會影響個人聲譽 會影響之後搵工 我驚到pk 其實原本其實想推咗唔in 但係因為佢呢句搞到好驚
之後佢有用whatsapp contact我通知返我係邊到 幾點in個啲 我見佢一直無講佢間公司名 咁我有問佢就係下面嘅對話咁

見佢最後個錄音都講到咁 咁我都話可以試下嘅
我到咗之後佢話會帶我行 佢話有好多個出口 驚我行錯路
我啱啱好4:00到福康工業大廈 同佢講我到咗跟住佢落黎接我 佢話福康工業大廈唔知咩事 要帶我去隔離個棟唔知咩大廈嘅8樓in 佢突然之間同我講 個經理開緊會可能要等耐d 我覺得好奇怪 in嘅地方同whatsapp講嘅地址唔一樣
同埋個經理原本約左人interview 點可能而家黎開會overrun whatever.
到咗之後我見到有一個類似canteen 嘅area 入面都幾多人 跟住入去interview個間房嘅出面都有好多人 佢哋係咁係到咁傾嘢 無留意佢哋傾啲咩 總之好嘈
佢入到去第一時間問我要CV同身份證 話俾經理睇check 係咪本人 我心諗interview邊使要身份證 同埋啱啱先講完經理開緊會 人地忙緊點會有時間check 而且呢d唔係咩技術嘢 你自己check都得啦 使鬼經理check
我就話遲少少先俾你地 in完先 我其實係想我張身份證係我視線範圍之內俾佢哋處理
佢問我之前in唔使身份證咩?我話要 但係個d都係大公司 跟住佢問係咪驚佢哋會copy或者帶我去kk園定係點
我話係 佢話梗係唔會 如果你真係驚可以即刻走 無人攔你 我見出面咁多人又驚佢哋真係會攔我 咁我就俾咗佢
佢領走我身份證同學生證一段時間之後 就俾返我
領埋部ipad叫我填個人資料 咩屋企地址 姓名個啲
個經理差唔多4:22分先坐到入房同我interview 佢同我講咗好多呢份工係咗咩個啲 佢係咁同我傾無關緊要嘅嘢跟住傾倒我話驚個人資料洩漏 個經理突然話其實就算你唔俾身份證人地嘅話你資料都會洩漏 好多公司會賣資料比其他人 或者個system俾人hack咗都會俾人知道你個人資料 大佬如果係咁嘅話你講自己個身份證痴係你塊面上面啦 使鬼要身份證呢樣嘢😅😅
又話咩越驚俾人盜你個人資料就真係會發生啲咁嘅事
講埋啲嘢純碎係到自high…
個經理叫我返去等通知 夜晚無通知即係唔會請我
我到夜晚都無收到通知所以突然有種feel係覺得間公司真係有問題
後尾尋根問底問佢間公司全名 佢好似有少少破防…😂

佢講餐廳個到係0邏輯
唔會有人食一間自己唔知叫咩名嘅餐廳 而且食肆牌即係工公司註冊證明 我無要求佢哋證明 我淨係想知道間公司叫咩 無理由你自己一直係個邊返工 你唔知自己係邊間公司返工😅
呢次真係自己on 但係佢都幾on 成件事幾fun 見到呢d人要兜圈行 而家啲人呃人手段層出不窮🙂↕️
sor for 1999



