不負責任LINGU 懶人包
2021年8月12日 12:21
一、簡介
【改編自《嶺南潮文》】
朋友，Jupas就好蠢嘅，你擺左咩 choice佢就以為你想讀果科。但係世事邊有可能咁簡單你想讀就有得比你讀呢? 一心一意疊埋心水去薄扶林馬料水返學，再唔係委屈啲喺西貢紅磡九龍塘上堂嘅你，又點會估到Jupas會無啦啦點你過嚟屯門呢?
不過又肯要offer又過左嚟報到嘅你，咁咪委屈少少個個禮拜都搭西鐵返屯門囉。18歲仔第一次入屯門覺得好遠？唔緊要，抹下你啲眼淚先，睇下點樣喺大西北生活 ，你再慢慢喊啦。
（利申畢咗業，真係喊住走，唔捨得嗰種）
二、校園設施
入嚟嶺南，可能你會擔心唔識行。唔洗擔心！偷偷地話你知，行完成個嶺南只需15分鐘，平時9點堂係絕對可以8點45先起身嘅！
永安：大門一入就係永安廣場，一言不合建議去永安隻揪，不過小心佢365日有300日都整緊個地下
HSH：何善衡樓
LKK：梁銶琚樓
LBY：林炳炎樓
WYL：黃玉蘭樓
MB：李運強教學大樓，即是拉巴，MBG即是拉巴地下對面嘅課室／演講廳
黃氏＋陳德泰大會堂：NSO一定會去一次參加開學典禮，但平時冇咩事都應該唔會經過，最多人去拎畢業證書同參加畢業典禮
SSC（改了名做Osa ）：StudentServiceCentre，學生服務中心。好重要好重要好重要，所以要講三次，因為住hall、調hall、搞資助、book房乜嘢都關佢事。
ITSC : Information Technology Service Centre。用唔到 moodle、email、借器材都係要搵佢，不過過程困難，成功率奇低。
Registry :教務處。Reg科要靠佢個online system。每逢 sem頭reg科、sem尾派GPA都有好多人會問候佢。
拉把: Library
舊24: Library4樓嘅24小時開放既電腦室
新24 : 位於新宿樓下嘅24小時開放既電腦室，不過依家6:00pm前好似有人上堂，入唔到去
自修室：新24隔離
成龍：體育館，下面有Gym Room
天幕：Canteen 同Wyl中間，有一大塊好大嘅空地，平時會有啲booth同活動，但你唔睇佢有瓦遮頭，佢係絕對擋唔到雨水的，所以見到佢漏水唔洗太驚訝，記得小心啲行就可以了
虎地：虎地書室，平時大家可以入去睇下書，食下嘢，有時會舉辦啲活動同工作坊·
心意社：位於AM 1 樓，平時大家可以去買下文具同零食同卡
影印房：顧名思義就係影印房，位於AM 1 樓，不過武肺關係，去嘅時候記得打去問下佢地今日開唔開
四、食
Canteen：位於AM 地下，左邊叫平can，右邊叫貴can，不過是美心的，請自行選擇
嶺南樓：茶樓一間，位於AM 1 樓，ocamp組例茶好地方
想去近啲有富泰，想去遠啲有新墟同屯市
宵：住Hall人最鍾意，平時就開9pm (鐵板炒930) -3am，有好多好多好多選擇，不過有時唔係檔檔都開，記得留意佢地檔口FB（私心大推鐵板炒，我食足4年）
通頂reu 後必去：新輝記
五、畢業要求
ILP：Integrated Learning Programme，極度麻煩嘅畢業要求，total 要拎夠75分，大家趁得閒要做晒佢，如果唔係year 4就會含了。
sport day：畢業前至少參加—次
頒獎典禮：畢業前至少參加—次
Password test
IT Test：總共分兩part，Part A 係MC題，問題關於電腦操作；Part B係關於PPT、Word、Excel等等嘅電腦實際操作，如果任何一part 唔合格，就下次請早啦。
宿分：各位FM BB！好好享受Hall Life 啦～
（更新自B2：參加sports day, 頒獎典禮同埋住hall都唔係畢業要求亦唔會出係transcript同影響成績，最多會喺CAP度寫Not fulfilled 唔會唔畀你畢業）
三、宿舍
嶺南十宿，各有特色，邊個宿都咁好玩！保持中立嘅我決定copy返之前2019年編委出嘅簡介，其實所有嘢，你入去feel 下咪知囉～
南宿：
Hall A，蒙民偉樓東亞堂，Hall A為嶺南大學南學生宿舍最近校園的建築物，分別由長短翼組合而成。長翼由蒙民偉基金捐贈，短翼則由東亞銀行所捐贈，故Hall A命名為蒙民偉樓東亞堂。
A座人的信念是「我們是一家人」，我們深信A座能夠提供一個自由而和諧的環境，讓同學可以互相分享體驗 ，交流心得，無論對内對外，我們發揮著團結的精神。
自1998年起，已在校長盃及水運會等比賽中獲得不少獎項，更連續十年、三年奪得校長盃全場總冠軍，顯示A座人的團結及運動精神。而且Hall A 舍監和導師如同課室裏的講師，幫助宿生增加個人社交經驗。我們致力營造一個舒適健康的環境，讓宿生培養對社會的關心和責任感。
（是很chur的，今次真係Hall A Hall A 喺邊度？喺呢度！）
Hall B，辛苦咗咁耐入到大學，都係時候享受下大學生活啦! 大學5件事，相信大家都聽厭啦。其他4樣唔敢擔保，但係住Hall就真係無難度啦。活潑好動、多嘢講又怕悶嘅你，Hall B 就係你嘅最好選擇啦。係呢度完全唔洗擔心無人同你玩，只要你一出聲，即刻就有一班人衝出黎同你玩。唱K 、碌齡、打機，通通無問題。鍾意跳舞嘅話我地有BB dance,隨時等你加入!玩開樂器，鍾意唱歌嘅話就可以加入BB band, —齊夾band玩音樂。鍾意做運動嘅就更加無問題啦，近6年有5年校長盃都係我地Hall B奪冠， 舊年仲成功三連霸。無論咩運動，係呢度都可以搵到陪你 一齊玩嘅人。想搵人一齊睇歐聯、英超、N B A就更加無難度啦!除左以上嘅嘢，當然唔少得多元化嘅活動啦，至於有咩活動，你入到嚟就知啦!約定你，HallB見!
Hall C，唔想浪費4年大學生涯？Hall C依個大家庭就啱哂想擁有完滿Hall Life嘅你啦!落堂怕悶無野做,總有呵C人陪你約飯睇戲玩餐飽!當你鍾意運動可以代表Hall C係校長盃發光發亮，一班呵C小粉絲總會係場邊為你打氣吶喊嗌到聲沙!當你愁眉不展有心事，呵C人總會陪伴左右同你通宵心事台!當你想同一班朋友體驗唔同大學宿舍活動，Hall C總會有啱你嘅活動等你參加!呵C係一個充滿溫馨同歡笑嘅地方，每個人嘅房門總會痴滿住唔同嘅warm爆 Memo同燈籠。呵C人等緊你一齊加入我哋呢個大家庭， 等我地可以渡過4年最warm嘅大學生涯 。
Hall D，住係林護堂，無論打機、打牌定打paper都會有人陪你。林護人平時最鐘意著住Hall Tee花花褲，一見到呢個look就知佢係林護人啦!
點解我地叫自己做林護人?係因為我地對呢到有歸屬感，愛呢個地方，愛呢個家，亦都重視我地獨有既三自文化——「自由、 自主、 自律」每個林護人都會堅持嘅野。 因為呢樣野，先令咁多位林護人能夠成為真正自立嘅大學生。
住係林護堂，唔只係一個床位咁簡單，呢到亦係每個林護人既第二個家。
一日林護人，一世林護人。
（林護堂，林護堂，人人....tee 加沙灘褲呢個組合係基本啦）
北宿：
Hall E，走到北宿盡頭處，你就會見到Hall E。
Hall E係一個溫暖嘅大家庭。有唔同國藉，唔同性格，唔同生活習慣嘅人，但係我地都可以喺度和諧相處。 當你想享受Hall Life，盡情咁玩呢時候，總會有人陪你一齊癲；當你想揾人一齊做運動，你總會搵到一班同你志趣相投嘅sport team；當然，考試project近都會有人同你一齊搏老命咁溫書。
一年一度嘅Reporting Day又黎啦，各位Freshmen BB 記得記得要黎Hall E嘅Hall Booth度揾我地傾計啊!希望見到大家:)
Hall F，相信大家都聽過LingU嘅Hall Life等於U life，所以揾到合適自己嘅Hall真係好重要，而Hall F絕對會令你覺得自己冇揀錯!對於每一個Hall F人嚟講，Hall F—定唔止係一個住宿咁簡單，而係另一個家。喺呢道你完全唔需要擔心自己融入唔到，因為Hall F人嘅親切熱情，會令你感受到Hall F嘅溫暖，認識到志同道合嘅朋友，搵到自己嘅 comfort Zone ,愛上Hall F嘅生活。
想有一班好似屋企人咁嘅Hall-mates?想有精彩豐富嘅Hall Life ?想有人陪住努力嘅U Life ?咁我地Hall F見啦!
Hall G，Hello, we are Hostel G !賽馬會博雅堂G座宿舍僅落成五年，裝潢簇新，設施完善。我們致力舉行不同宿生聚會，提供平台讓宿生展現才能並互相認識，從而加強凝聚力令Hall G 成為大家樂而忘返的家。我們誠邀你加入Hall G 的大家庭!
Hall H ，唔知大家喺大學有咩目標呢〜讀書?玩?識朋友?做咩都好 Hall H都歡迎你！想讀書嘅，緊有一個學霸喺左近，G P A 過3再不是夢；要玩嘅，我哋小賣部長時間開放，夜晚落黎吹水又得，玩Game都得，得咗;玩到攰驚無得訓?坐山望林、遠離煩囂，一個清靜嘅居住環境，呢到肯定比到你。有生活品味嘅你，我驚你會一試愛上。
新宿：
WJY， 2012年開幕並正式入伙的伍絜宜堂，於嶺南大學十宿，當中有着「新宿」的稱號。之所以稱為「新宿」，除了因為較其他宿舍「年輕」，更因為其設計上與原有的南北宿有所不同。天井型的設計令到宿生相處更加融洽，一踏出房門，立於眼前的便是每層的公共空間，同時獨立的梳洗設施亦提高了學生的宿舍生活質素。在各種新設計的配合下，成功令伍絜宜堂成為一幢擁有獨特風格的宿舍。
WHC，黃浩川堂係一個多元化嘅宿舍。如果你想試新嘢，又想有個平衡嘅生活，咁我地hall無疑係最適合你嘅歸宿! 我地hall嘅人都好warm!你會識到好多玩得chur又keep到GPA嘅好朋友。玩同讀書，我哋兩樣都得! 我哋呢個新宿環境新淨企理同有獨立洗手間:每兩間房share—個洗手間，唔駛驚要等好耐先用到。住WHC另外一個好處係2分鐘内可以行去附近嘅富泰商場，食嘢同買日用品都超方便!
唔好錯失加入黃浩川堂嘅機會呀! （we are we are we are we are WHC)
（見到新宿啲獨立廁所已經加分！好想試下喺天井打麻雀）
注：新宿同南北宿*設施上*最大分別在於有冇獨立廁所
參考資料：第五十二屆嶺南大學學生會編輯委員會 (弘納) (2019)。《2019新生求生指南》。香港 : 嶺南大學學生會編輯委員會。檢自
