本人自第一次預見自己親人即將離世後就一直發夢見到其他唔識既人即將離世，而且離去既形式非常清楚，但淨係知佢咩事而離開同埋係男定女 大概幾多歲，離世時身邊係咩環境。
以下係邊單案件，我唔方便講，驚俾警察起底話我造謠，引起恐慌。
第一次，我係夢入面醫院度聽見家人講另一位親人自殺身亡，叫我地即刻返屋企。
夢醒後，個陣未個咩事，淨係覺得好奇怪
但醒左出左門黎，悲劇就發生係我地屋企身上。
第一次過後隔左7個月左右，我發第二次夢，個次環境係個地盤office度，我大概記得係一個後生仔 個樣應該30唔到，係度玩緊電話，但好快個畫面就變左佢俾啲瓦礫壓住。
但第二次個夢未令我知道呢個奇怪能力住，因為距離第一次隔左半年有多
第三次，私家車意外，同樣係事發前一刻我見到個男司機等緊紅綠燈，覆緊msg但睇唔清覆咩 個icon我估係動漫人物 冇睇過
未轉燈就有架泥頭車撞埋黎，司機就咁走左。
第四次，好似係最近發生既意外
但第四次係以第三人稱知道個結果，我係公屋xx樓樓下聽到有街坊講有人墮樓，冇耐啲救護車同差佬到哂
個畫面轉得好快 我係屋企睇新聞話係有人收衫墮樓身亡。
第四次夢醒我即刻記低 我嘗試記起係邊條邨，但有6棟樓 太多單位，我做唔到啲咩
同人講夢見到既野又會俾人當痴線
個日要返工，所以冇睇手機，收工已經9點幾 搭MTR就見到單收衫墮樓新聞，覺得呢種能力好恐怖。
自第三次後開始發現有呢個能力
擔心會唔會有日見到自己或者家人 朋友即將死亡既夢，宜家晚晚都訓唔著
有冇人有類似經驗？今晚又訓唔著😔
