我每日收工都會喺行去搭火車嘅途中，見到一個戴眼鏡長髮瘦瘦地皮膚白白嘅女仔！女仔外形有啲似姚子羚（等大家有啲形象） 基本上佢同我都係返收工屋企，只係佢住我返工附近嘅新界北，而我住九龍......最近兩日留意到個女仔會望一望我，而我都會回望佢但唔敢點頭，驚有誤會以後每日見到會好樣衰！ 我本身有做運動，唔算肥因為鍾意曬太陽，有啲黑，唔係高高瘦瘦白白淨淨果種，我高過個女仔半個頭！ 如果每日見面係朝早，我大可以講早晨，一般嚟講陌生人對早晨無咩反感！但黃昏入夜就搵唔到講咩好...... 我拍過6次拖，發現對戴眼鏡長頭髮外表溫柔嘅女仔零抵抗力☺️