我咁樣係咪好自私？
是咁的，我今年22歲。17歲嘅時候確診急性骨髓性白血病
依家已經係第二次復發😔
但係最近我鍾意咗一個男仔，佢真係對我好好。其實我從來冇踏足過社會，亦都冇任何嘅戀愛經驗。😳
呢個男仔佢請我食飯🍚🥣，知道我狀況唔好，會特登趁佢放假上嚟屋企搵我，買我鍾意嘅公仔送畀我🎁，就會成日陪我傾計。我沉咗....
偶爾一個機會，我知道原來佢同女朋友已經分咗手好耐。目前係單身嘅狀態。
我想問...我如果同佢表白嘅話我係咪一個好自私嘅人？
我明知自己會走🥹，會陪唔到佢咁耐，但係...我真係好想試下嗰種畀人錫嘅感覺。好想試下拍拖嗰種開心嘅感覺🩷
矛盾點係：我好怕我會離開依個世界。怕如果真係一齊咗，佢會忘記唔到我（當然我亦都唔想佢忘記我😭😭
同時我又真係好想試下談戀愛，想表白。
網友們，點睇？
