師兄姐們點部署 我係咪可收皮了
匿名
前言：同而家個女朋友差唔多一齊咗兩個幾月
戲肉：前日女朋友同兩個男同事食宵夜
由夜晚11點食到凌晨3點
佢食緊途中於我大概1點打過俾佢 但係佢cut 咗我線
然後我WhatsApp問佢幾點返屋企 佢話就快
然之後過多一個鐘
我再WhatsApp問佢佢返到屋企未
但我發現就算send幾多個message都係單剔
然之後我試吓打俾佢 發現佢電話熄咗機
去到差唔多凌晨3點半 先打得通
佢話因為手機冇電所以先熄咗機
差唔多有五個鐘頭 唔知佢去咗邊
然之後琴晚同我講
覺得我哋價值觀好唔夾 覺得我一直講嘢好mean
佢頂唔順想我俾佢冷靜吓
我話我會去改善我講嘢好mean嘅問題
佢答我話唔想我因為佢而改變
然之後堅持話佢自己要冷靜吓
雖然我唔想向最差嘅方向諗
但係我依兩日個腦係咁不停有嗰啲唔好嘅諗法出現
（p.s 佢之前都有帽子戲法過佢啲男朋友
都唔知而家點部署 好辛苦😞
