老婆堅持要人工授孕
匿名
本人和老婆都36歲，本身已經有一個7歲小朋友，老婆本身腸胃差，而且經常中念珠菌，加上工作壓力大，所以對性都無咩慾望，平均一年都無一次😅
後來個囡四歲，佢見個囡好悶，想生多一個，所以都順佢意自然試(平均次數即刻高左😆)，但通常一兩次就會停，因為工作壓力/攰/念珠菌，然後又就隔半年至一年先再試。
直到最近，佢又想重啟返呢個生仔process，不過今次佢直接指揮我去檢精同食supplements ，我以為係為左之後嘅自然試，點知佢話份報告講我精子量唔高，要食supplements ，然後佢希望人工授孕，唔想浪費時間。
其實由結婚起我地仲有商量嘅時候，已經講過唔想人工授孕，佢當年都同意；加上on and off 都唔肯比我掂，係連拖手都會縮，要我自己處理；本人工作都好大壓力，想平時收工放假去做運動，老婆都會唔比，話我自己去玩要佢自己一個湊囡，所以我啲飯局/活動/social 全部停晒。
而家就用我嘅quailty 差作為理由，要命令我接受人工授孕。我本人就想自然，除左自己慾望，仲感覺人工授孕好似有啲疏遠。我堅持要自然，佢堅持人工，所以就鬧左一場大交。
想請問我係咪應該再順從我老婆一次，要人工授孕？
